“Ханүн” хар салхи Солонгосын хойгийг чиглэн ирж буй. Өнөө орой 21.00 цаг гэхэд БНСУ-ыг дайрах аюултай байгаа юм.
Иймд нислэгийн аюулгүй байдал, аюулгүй ажиллагааны шаардлагын дагуу 2023 оны наймдугаар сарын 10-ны өдрийн Улаанбаатар-Сөүл-Улаанбаатар чиглэлийн ОМ301/302, ОМ303/304, Улаанбаатар-Пусан-Улаанбаатар чиглэлийн ОМ311/312 нислэгүүдийг тус тус цуцалжээ.
МИАТ ТӨХК нь Нислэг саатлын журмын дагуу тийз буцаах хураамжаас чөлөөлөх аж. Харин тийзийн өдөр болон чиглэл солиулах тохиолдолд зорчигч тухайн суудлын ангиллын үнийн дүнгийн зөрүүг төлөх шаардлагатайг тус байгууллагаас мэдээлсэн байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.