Өчигдөр /2023.10.10/ нүүрсний хэргийг хянан шалгах түр хороо хуралдсан.
Хуралдаанаар, дөрвөн асуудал хэлэлцсэн байна.
Хянан шалгах түр хорооны даргаар ажиллаж байсан УИХ-ын гишүүн Х.Нямбаатарыг чөлөөлж, ХЗДХ-ийн сайд Б.Энхбаярыг томилжээ. Монгол Улсын Их Хурлын хяналт шалгалтын тухай хуулийн 34 дүгээр зүйлийн 34.5-д “Түр хорооны даргыг түр хорооны хуралдаанд оролцсон гишүүдийн олонхын саналаар сонгоно…” гэж заасны дагуу олонхын саналаар дэмжигдсэн байна.
Ингэснээр тэрбээр "нүүрсний" гэх хэргийн хяналт шалгалтын тайланг Улсын Их Хурлын 2023 оны намрын ээлжит чуулганы хугацаанд багтаан танилцуулах үүрэг хүлээж байгаа юм.
Үүнтэй холбоотойгоор "Эрдэнэс Тавантолгой" ХК-ийн гүйцэтгэх захирал асан Б.Ганхуягийн ар гэрээс нүүрсний сонсголыг яаралтай хийж, Б.Ганхуягийг оролцуулах саналыг гаргасан байна. Тэрбээр өөрөө ч шүүх хуралдааны үеэр "Нүүрсний сонсголд чинь оролцмоор байна" хэмээж байсан билээ.
Үүнийг ХЗДХ-ийн сайд Б.Энхбаяр шийднэ гэсэн үг. Өмнөх ХЗДХ-ийн сайд Х.Нямбаатар "Б.Ганхуягийг нүүрсний сонсголд оролцуулахад татгалзах зүйлгүй" хэмээн хэлж байсан удаатай.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Бодь группйнхэн гэж айхтар мафи байгаа даа