НИЙГЭМ

ХЭҮК: Ж.Бямбадорж Д.Одбаярын талаар ямар ч мэдэгдэл хийгээгүй

Үндсэн хуулийн цэцийн дарга Д.Одбаяр БНСУ-ын онгоцны үйлчлэгчид бэлгийн дарамт үзүүлсэн гэх асуудлаар тус улсад шалгагдаж буй. Түүнийг ийм асуудалд холбогдсоны дараа цахим хуудсанд ХЭҮК-ийн дарга Ж.Бямбадорж Д.Одбаярыг өмгөөлсөн тухай дуулиан дэгдсэн.

Тэгэхдээ Ж.Бямбадорж “Солонгост саатуулагдсан гээд Үндсэн хуулийн цэцийн даргыг огцруулж болохгүй. Энэ бол хүний эрх зөрчсөн үйлдэл болно. Тэр бол Монгол төрийн өндөрлөгийн нэг шүү” гэсэн мэдээлэл цацагдсан.

Энэ талаар Хүний эрхийн үндэсний комиссоос мэдэгдэл гаргажээ. Эл мэдэгдэлд “Монгол Улсын Хүний эрхийн Үндэсний Комисс болон Комиссын дарга Ж.Бямбадоржийн зүгээс Үндсэн Хуулийн Цэцийн дарга Д.Одбаярын талаар ямар нэгэн ярилцлага, мэдээлэл өгөөгүй, байр суурь илэрхийлээгүй байхад зохиомол мэдээлэл олон нийтийн сүлжээгээр зохион байгуулалттайгаар цацаж олон түмнийг төөрөгдүүлж байна. Иймд энэхүү бусармаг үйлдлээ нэн даруй таслан зогсоохыг эдгээр хүмүүсээс шаардаж байна” гэжээ.

Н.ГАН

Таг

Холбоотой мэдээ

2 Сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close