ОХУ-ын Гадаад хэргийн сайд Сергей Лавров лхагва гарагт /2023.10.18/ БНАСАУ-ын нийслэл Пёнянд газардсан. Тэрбээр Хойд Солонгосыг Украин дахь дайнд туслалцаа үзүүлж байгаад нь талархаж, ОХУ-аас Умардыг бүрэн дэмжиж, эв санааны нэгдэлтэй байхаа амлажээ.
Өнгөрсөн сард Ким Жон Ун ОХУ-д айлчилж Владимир Путинтэй хэлэлцсэн. Тэдний уулзалтын дараа Умард Солонгос ОХУ руу зэвсэг илгээж эхэлсэн гэж АНУ-ын албан тушаалтнууд мэдээлсэн билээ.
Лавров айлчлалынхаа үеэр Пёнянаас үзүүлж буй хүчтэй, зарчимч дэмжлэгийг гүн үнэлж байна гэсэн юм. Мөн тэрбээр “ОХУ нь БНАСАУ-ын сонгосон хөгжлийн замыг бүрэн дэмжиж, эв санааны нэгдэлтэй байх болно” хэмээжээ.
ТАСС агентлаг Путиний БНХАУ-д хийсэн айлчлалын үр дүнгийн талаар БНАСАУ-ын албан тушаалтнуудад мэдээлэл өгч, Путинийг Пёнянд айлчлахыг урьсан талаар хэлэлцэж магадгүй гэж мэдээлсэн юм.
Эх сурвалж: Korea Times
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.