Зуун буудалт даамын өсвөр, залуучуудын ДАШТ Польш улсын Полице хотод болж, өнөөдөр аваргууддаа тодрууллаа. 18 орны 350 тамирчин оролцсон энэ тэмцээнд Монголын улсаас 31 тамирчин 10 насны ангилалд орж 6 алт, 3 мөнгө, 3 хүрэл медаль хүртэж нийлбэр дүнгээр тэргүүлжээ.
Тодруулбал, хөвгүүдийн 5-8 насанд Н.Хангай, 9-10 насанд Г.Санчир, охидын 5-8 насанд Б.Эрмүүнзаяа, 11-13 насанд Э.Даариймаа, 14-16 насанд Б.Есүй, 17-19 насанд Б.Мөнхжин нар алтан медаль хүртэж дэлхийн аваргын болзлыг хангалаа.
Мөн хөвгүүдийн 5-8 насанд М.Дөлхүс, охидын 5-8 насанд Б.Энхмаа, 17-19 насанд Б.Мишээл нар мөнгөн медаль хүртсэн бол охидын 09-10 насанд Э.Номунзаяа, хөвгүүдийн 11-13 насанд Т.Энхсүлд, 14-16 насанд А.Дашчирэв нар хүрэл медаль хүртжээ.
Т.НАНДИН-ЭРДЭНЭ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.