Нийгэм мэдээ

Х.Нямбаатар: "Үндэсний цэцэрлэгт хүрээлэн"-гийн алдааг давтахгүйн тулд бетон, баримлаас татгалзана

Нийслэлийн Засаг дарга бөгөөд Улаанбаатар хотын Захирагч Х.Нямбаатар холбогдох албаныхны хамт Баянзүрх дүүрэгт ажиллалаа. Тус дүүргийн 23, 28 дугаар хороонд 300 га газрыг хамарсан Олон улсын эко цэцэрлэгт хүрээлэн байгуулах юм. Дээрх газар нь ундны усны эх үүсвэр бөгөөд өмнө нь иргэдэд газар олгочихсон байсныг дүүргийн удирдлагууд цуцалж, газрыг орон нутгийн хэрэгцээнд авч, нийслэлийн иргэдэд зориулсан цэцэрлэгт хүрээлэн байгуулах ажлыг эхлүүлжээ. Одоогийн байдлаар 300 га газрыг хашаалж, “Тэрбум мод” үндэсний хөдөлгөөний хүрээнд мод тарьсан байна. Мөн явган хүний болон гүйлтийн, дугуйн зам, автомашины зогсоол зэргийг шийдэж, авто замыг ч төвлөрлийг задлах байдлаар төлөвлөжээ.

Хотын дарга Х.Нямбаатар “Цэцэрлэгт хүрээлэн барилга байгууламжгүй, төмөр, бетонон барималгүй, болж өгвөл мод, сөөг, ургамал зэрэг байгалийн унаган төрхөө хадгалж байх хэрэгтэй. Үндэсний цэцэрлэгт хүрээлэнгийн алдааг давтаж болохгүй. Төрийн байгууллагуудыг тус цэцэрлэгт хүрээлэнд мод тарих нөхцөлийг бүрдүүлэх боломжтой” хэмээлээ.

Баянзүрх дүүргийн Засаг дарга Н.Баярмөнх “Бид Үндэсний цэцэрлэгт хүрээлэн, Олон улсын эко цэцэрлэгт хүрээлэнгээс гадна Дарь-Эх орчимд цэцэрлэгт хүрээлэн байгуулж, дээрх цэцэрлэгт хүрээлэнгүүдийг түшиглэн иргэд чөлөөт цагаа зөв, боловсон өнгөрөөх ногоон байгууламж бүхий газартай болохыг зорьж байна. Өнгөрсөн хугацаанд НҮБ болон Монгол Улсад үйл ажиллагаа явуулж байгаа Элчин сайд нартай уулзаж, үндэсний хэв шинжээ агуулсан цэцэрлэгт хүрээлэн байгуулах боломжтой гэдгийг мэдэгдсэн” гэв.

Олон улсын эко цэцэрлэгт хүрээлэнгийн 80-90 хувийг ногоон байгууламж эзлэх юм.

УИХ-ын гишүүн Э.Бат-Амгалан дээрх цэцэрлэгт хүрээлэнг байгуулах санаачилгыг эхлүүлжээ. Тэрбээр мөн энэ ажлыг дүүрэг дангаараа хариуцах хүндрэлтэй байгааг хэлж, нийслэлийн зүгээс дэмжлэг үзүүлж, уялдаатай ажиллахыг хүссэн юм. Тодруулбал, тус цэцэрлэгт хүрээлэнг нийслэлд шилжүүлбэл ажил хурдтай үргэлжилнэ гэдгийг онцолж байлаа.

Хотын дарга холбогдох байгууллагуудын удирдлагуудтай уулзаж, цаашид тус цэцэрлэгт хүрээлэнг хэрхэн хөгжүүлэх талаар ярилцан, Элчид сайд, олон улсын байгууллагуудын төлөөлөлд цэцэрлэгт хүрээлэнг танилцуулахаар болов.

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
2 Сэтгэгдэл
Хуучин
Шинэ Шилдэг
Inline Feedbacks
View all comments
Гаа
Гаа
2023-11-23 19:16

Цэцэрлэгт хүрээлэнгийн түц борооны дараах мөөг шиг олон болсондоо!!!

Зочин
Зочин
2023-11-23 23:44

ХЭНТИЙД хэдэн шавар босгож хэдийг нь буулгасан бэ.5 аймагт хувиарлах мөнгийг ганц ХЭНТИЙД зарцуулаад сүүлд нь хариуцлагаа Баатраараа үүрүүлээд солонгостой очиж хоолны биш төсөвийн мөнгөөр баөлжсөнөө харуулах хариулах цаг дөхөж байгаа шүү.

Холбоотой мэдээ

Back to top button