Moonton студиэс жил бүр зохион байгуулдаг Mobile Legends: Bang Bang тоглоомын дэлхийн аварга шалгаруулах тэмцээний Wildcard шат арваннэгдүгээр сарын 23-26-ны өдрүүдэд Малайз улсын Селангор хотод зохиогдлоо.
Уг тэмцээнд Монгол улсаас шалгарсан Team Lilgun баг амжилттай оролцож, B хэсэгт, Оросын Umbrella Squad, Перугийн Imperio, Хятадын KeepBest Gaming багуудыг тус бүр 2-1 харьцаатай хожиж, B хэсгийг тэргүүлэн, CrossOver тоглолтод нөгөө хэсгийн хоёроор гарсан Лаосын Niightmare багийн эсрэг Bo5 цуврал 3:0 харьцаатайгаар ялалт байгуулан үндсэн тэмцээнд оролцох эрхийг авчээ.
Хэсгийн шатанд тэд C хэсэгт хуваарилагдсан бөгөөд тус хэсэгт MPL PH S12, M2-ийн Аварга Филиппиний AP.Bren мөн Сингапурын Team Flash, Мьянмарын Burmese Ghouls багууд багтаж байгаа юм. Манай багийн хувьд өмнө нь IESF-ийн тэмцээнд AP.Bren-тэй 2 удаа тоглож, 2:1, 3:0 харьцаатай хожигдож байсан юм.
M5 World Championship тэмцээний хэсгийн шатны тоглолтууд ирэх сарын 2-ноос Филиппин улсын Манила хотод эхлэх ба Lilgun багийн тоглолтууд арванхоёрдугаар сарын 4-нөөс эхлэх юм.
Энэхүү тэмцээн тэдний хувьд дөнгөж эхлэл бөгөөд илүү хүндхэн тоглолтууд, илүү хүнд багууд тэднийг Дэлхийн Аваргын хэсгийн шатанд хүлээж байна.
LILGUN багийн бүрэлдэхүүн:
- Aizn
- Zxaura
- Forbid
- Bebex
- Ethan
- ZMitch (Coach
Т.НАНДИН-ЭРДЭНЭ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.