Баян-Өлгий аймаг, Улаанхус сум Их-Ойгор баг /аймгийн төвөөс баруун урд зүгт 160 км-т, сумын төвөөс баруун урд зүгт 115 км-т/ өвөлжилт хүндэрч, тус сумын Их-Ойгор багийн малчид руу очих зам даваа цасанд хаагдсан тул түлш болон хүнс, тэжээл хүргэх ажилд дэмжлэг үзүүлж, хамтран ажиллах тухай хүсэлтийг нэгдүгээр сарын 20-ны өдөр хүлээн авсан.
Тус аймгийн Онцгой комиссын шийдвэрээр тусламжийн бараа, өвс тэжээл хүргэх, зам давааг нээх ажлыг зохион байгуулахаар тус аймгийн Онцгой байдлын газрын даргаар ахлуулсан алба хаагчид Их-Ойгор багт очсон.
Нэгдүгээр сарын 22-24-ний өдрүүдэд нийт 360 км-т цас цэвэрлэн зам гаргаж, 2 өрхийг нүүлгэж, 20 айл өрхөд 670 боодлын өвс, 11.7 тонн малын тэжээл, 2 тонн нүүрс, түлээний мод хүргэж ажлыг зохион байгуулсан.
Эх сурвалж: ОБЕГ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.