Нийслэлийн Баянзүрх дүүрэг 26 дугаар хороо Дүнжингарав худалдааны төвийн урд зам дээр 2024.01.24-ний өдрийн 01:05 цагт газ ачиж явсан ачааны автомашин дэлбэрсэн осол гарсан.
Ослын улмаас гэмтэж бэртсэн найман хүн өнөөдрийн байдлаар ГССҮТ-д хэвтэн эмчлүүлж байна.
Тэгвэл эдгээр хүмүүсийн биеийн байдлыг өнөөдөр /2024.02.03/ тодруулахад, "Одоогоор найман хүн эмчилгээ хийлгэж байна. Үүний дөрөв нь түлэгдэлтийн тасагт, дөрөв нь эрчимт эмчилгээний тасагт хэвтэн эмчлүүлж байна. Эрчимт эмчилгээний тасагт хэвтэж байгаа дөрвөн хүний нэг нь маш хүнд байдалтай байна. Өвчтөнүүд бүгд сахиуртай байгаа бөгөөд ар гэрийнхнийг нь тусад нь том өрөөнд байрлуулсан” гэсэн тайлбар мэдээллийг бидэнд өглөө.
Мөн салбарын сайд С.Чинзориг галд өртсөн иргэд болон тэдний ар гэрт халуун хөнжил, дуслын шахуурга, тэжээлийн уураг зэрэг зүйлсээр нэмэлт тусламж үйлчилгээ үзүүлжээ.
Ц.НАРАНЦАЦРАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.