Б.Энхбаяр: Хятад иргэний өмч болох "Ayud" tower-ийг манай улсын хууль хүчнийхэн үгсэн хуйвалдаж, дээрэмдсэн

Засгийн газраас гадаадын хөрөнгө оруулалтыг тонодог асуудлын эсрэг хоёр жилийн өмнө ажлын хэсэг гарсан. Энэ хүрээнд нийт 50 гаруй гадаадын хөрөнгө оруулагчдыг дээрэмдсэн байж болзошгүй гомдлыг цэгцэлсэн. Үүнтэй холбогдуулан намайг Хятадуудад үйлчилдэг гэж гүтгэж байна. Учир нь Сүхбаатарын талбайн урд байрлах 14 мянган метр квадрат хэмжээтэй “Аюуд” тауэрийг өөрсдийн өмчлөлд шууд авсан гэх гомдол ирсэн.

Дээрх гомдлын хүрээнд Засгийн газраас хоёр удаа тогтоол гаргаж, нэр бүхий компанийн асуудлыг Хууль зүй, дотоод хэргийн сайд хариуцаж шийдвэрлэх үүрэг чиглэлийг өгсөн байдаг. Ажлын хэсгийн дүгнэлтээр олон ноцтой асуудал тогтоогдсон. Танилцуулбал, Тухайн өмчийн эзэн Хятад улсын иргэн гарын үсэг зураагүй байхад гарын үсгийг нь хуурамчаар зурсныг нотариат баталгаажуулж, өмчлөлийг шилжүүлсэн нь тогтоогдов. 

Дэлгэрүүлбэл, Нотариатч дээрх үйлдлийг хийснийхээ дараа АНУ руу зугтаж, алга болсон нөхцөл байдал мөн тогтоогдсон. Мөн хуурамч гарын үсгийг нотариатч гэрчилсэн үйлдэл гарч, тэр хөрөнгийг шилжүүлэхдээ Улсын бүртгэлийн байгууллага холбогдох хуульд заасан 11 шаардлага хангах асуудлын найм нь хангагдаагүй байхад бүртгэл хийж, бусдын хөрөнгийг шилжүүлсэн. Цаашлаад энэ бүх асуудлаар Улсын бүртгэлийн байгууллагад олон удаагийн гомдол гаргахад тэдгээр гомдлыг тухай бүрд нь хангалттай хянаж, шалгалгүйгээр эрх зүйн бүрэн бус дүгнэлт хийж, татгалзсан хариуг өгч байсан нь тус тус тогтоогдсон.

Бусдын өмч хөрөнгийг шилжүүлсэн энэ асуудлаар БНХАУ-ын иргэнийг саатуулах ямар ч байгууллагын шийдвэр гараагүй байхад бүртгэлд оруулсан байна. Энэ мэт байдлаар уг хэрэгт олон этгээд оролцсон байна. Мөн Авлигатай Тэмцэх Газар, цагдаагийн байгууллагад гомдол гаргаж, нийт найман удаагийн эрүүгийн хэрэг үүсгэгдэж, дөрвөн удаагийн эрүүгийн хэрэгт хэрэг үүсгэхээс татгалзаж, хааж шийдвэрлэсэн нөхцөл байдал мөн тогтоогдсон нь хяналт шалгалтаар тогтоогдсон.

Манай маш олон хуулийн байгууллага, албан тушаалтнуудын оролцоотой цаанаа эрх бүхий хүний нөлөөтэйгөөр зохион байгуулалттай хийгдсэн ажиллагаа гэж үзэж байна. Иймээс албан даалгавар гаргаж, Улсын бүртгэлийн байгууллага, Хил хамгаалах байгууллага, нотариатын байгууллагын албан хаагчдад хариуцлага тооцсон.

Хүний хөрөнгийн дээрэмдсэн этгээдүүд намайг тэдэнд хариуцлага тооцсон гэх шалтгаанаар БНХАУ-ын талд ажиллагаа гэж зохион байгуулалттайгаар гүтгээд эхэллээ.

Энэ асуудлаар Монгол Улсын Ерөнхий прокурорт шалгалтын дүнг бүрэн эхээр нь хүргүүлсэн. Ийм тодорхой, хүний гарын үсгийг хүртэл хуурамчаар үйлдсэн гэмт хэргийг өөрийн анхааралдаа авах хэрэгтэй. 10 орчим жилийн өмнөх ханшаар 10 гаруй сая долларын хөрөнгө оруулалтыг нь хуулийн байгууллагынхан үгсэж дээрэмдсэн байх боломжтой асуудал юм. Одоо тэд шоронд суух шатанд хэрэг ирэхэд их хэмжээний хөрөнгө цацаж биднийг хятадын гар хөл гэх боллоо.

Энэ хэрэгт жижиг гарын хийх ажил биш. Тиймээс Хил хамгаалах байгууллага, Хуулийнхан, Нотариат, Улсын бүртгэлийн томчууд бүгдээрээ нэгдэж ингэж оролцсон. Тиймээс энэ хэрэг дээр хатуу хандана. Хөрөнгө оруулсан БНХАУ-ын иргэн хаана байгааг би мэдэхгүй байна. Нотариатын ажилтан хэрэгт оролцсоны дараагаар АНУ-руу зугтсан.

Яг энэ мэт 4-5 том мөнгөн дүн яригдах хөрөнгө оруулагчийг дээрэмдсэн хэрэг байгаа. Үүнийг тухай бүрт нь мэдээлэх болно.

Намайг Хятад гэж харлуулж байдагт би эмзэглэдэггүй. Угаас Лаос, Иран ч гэж хэлдэг. Харлуулаад байгаа хүнийг хууль хяналтын байгууллагад хандаагүй, улс төрч учраас хүлээцтэй, тэвчээртэй байх ёстой гэсэн байр суурьтай байдаг" гэв.

Энэ мэдээнд өгөх таны үнэлгээ

Хуваалцаарай Жиргээрэй