“Монгол цэргийн өдөр” буюу зэвсэгт хүчний 103 жилийн ойн баярын өдөр өнөөдөр тохиож байна. БНМАУ-ын Бага хурлын Тэргүүлэгчдийн 1946 оны тавдугаар сарын 28-ны 32 дугаар хурлын тогтоолоор Монгол Ардын журамт цэрэг Хиагт хотыг чөлөөлж анхны ялалтаа байгуулсан гуравдугаар сарын 18-ны өдрийг “Хувьсгалт цэргийн баярын өдөр” болгон жил бүр улс нийтээр ёслон тэмдэглэх шийдвэр гаргасан байдаг.
Харин 2011 онд УИХ-аас Нийтээр тэмдэглэх баярын болон тэмдэглэлт өдрүүдийн тухай хуульд 2011 онд нэмэлт өөрчлөлт оруулж, жил бүрийн энэ өдрийг “Монгол цэргийн өдөр” болгон тэмдэглэж эхэлсэн юм.
Энэхүү баяр нь улс орныхоо тусгаар тогтнол, ард түмнийхээ эрх чөлөөг хамгаалан тэмцсэн түүх, үе үеийн эх орончид, цэрэг дайчдынхаа гавьяат үйлсээр бахархах, өсвөр, залуу үеийн эх оронч сэтгэлийг нь дэврээх, эх орноо гэсэн хүсэл эрмэлзэл, хайрлан хамгаалах үзэл бодлоор цэнэглэхэд үлгэр дуурайл үзүүлэх чухал ач холбогдолтой баяр билээ. Уг үйл явдалтай холбогдуулан монгол эрчүүдийн талаарх сонирхолтой баримтуудыг Үндэсний статистикийн хорооноос сурвалжлан хүргэж байна.
- Эрчүүдийн 48.3 хувь нь хотод, 51.7 хувь нь хөдөө орон нутагт амьдарч байна.
- Тэд дунджаар 67 насалдаг.
- Тэдний биеийнх нь дундаж жин 65 кг байна.
- Дундаж өндөр нь 168 см гэж тодорхойлогджээ.
- Эрчүүд дунджаар 26 насандаа гэрлэдэг.
- Ердөө 15 хувь нь л дээд боловсрол эзэмшсэн гэж судлагдсан байна.
- Нийт 1.7 сая буюу хүн амын 49 хувь нь эрчүүд байна
- Тэдний 659.7 мянга нь ажлын байртай.
- Бас тэдний 46 хувь нь сонгуульдаа идэвхтэй оролцдог.
- Тэдний нэг хувь нь өрх толгойлсон эцэг байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.