Хан-Уул дүүргийн 18 дугаар хороо, тодруулбал “Хүннү-2222” хороололд 3500 өрхийн 13000 иргэн оршин суудаг томоохон сууршлын бүс хэдий ч ерөнхий боловсролын нэг ч сургууль байдаггүй нь гачлантай. Харин тус бүсэд “Номин холдинг”-ийн эзэмшил бүхий 70.000 м2 газар байдаг бөгөөд хүүхэд багачуудын хүсэлтээр эцэг эхчүүд нь “Номин холдинг”-д хандаад байна.
Ингэхдээ “Та бүхэн 70.000 м2 газраасаа аравхан хувийг буюу 7000 м2 газрыг нь өгнө үү, бид гэрийнхээ ойролцоо сургуульд явмаар байна” хэмээх утга бүхий хүсэлтийн дагуу 12000 хүний гарын үсэг цуглуулжээ. Нөгөө талаар Хотын дарга Х.Нямбаатар сургууль, цэцэрлэггүй орон сууцны хороололд анхаарал хандуулж, хувийн хэвшлийнхэнтэй тохиролцохоо мэдэгдсэн.
Тэгэхээр нийслэлээс ч газар дүйцүүлэн авах зарчмаар газрыг шийдэж өгөх бүрэн боломжтой юм. Мөнхүү сургууль барих тендер зарлагдаж, компанийн нэр нь тодорчихсон юм. Одоо гагцхүү Хан-Уул дүүргийн 18 дугаар хорооны хүүхэд багачууд “Номин холдинг”-ийн ах эгч нарынхаа шийдвэрийг хүлээн, тэдэнд найдаж сууна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.