"Оюу толгой" ХХК-ийн ТУЗ өнөөдөр 17.00 цагаас ээлжит бус хуралдаан зарлажээ.
Энэ талаар ХЗДХ-ийн дэд сайд Б.Солонгоо мэдээлэв.
Хуралдаанаар, Антре Гоулд (Entree Gold) компанийн эзэмшил дэх тусгай зөвшөөрлийн хоёр талбайг "Оюу толгой" ХХК-д шилжүүлэн авах эсэх асуудлыг хэлэлцэх аж.
Энэ нь Монголын талд маргаантай асуудал гэдгийг дэд сайд Б.Солонгоо онцолжээ. 2009 оны Хөрөнгө оруулалтын гэрээ зурагдах үед энэ хоёр талбай "Оюу толгой" ХХК-ийн эзэмшилд байгаагүй. Буюу өдгөө нэмж оруулах нь, хөрөнгө оруулалтын гэрээний үйлчлэх хүрээ нэмэгдэнэ. Улмаар гэрээнд нэмэлт өөрчлөлт оруулах асуудал ч сөхөгдөх бололцоотой гэж тайлбарлажээ.
Түүний тайлбар дор бүрэн эхээр:
"Антре гоулд компанийн эзэмшлийн хоёр тусгай зөвшөөрлийг Оюутолгой ХХК шилжүүлэн авахтай холбоотой хэлцэл нь өнгөц харахад тус компанийн үйл ажиллагаа, хөрөнгө оруулалтын нэг хэлцэл мэт боловч үр дагавар ихтэй, нухацтай бодох шаардлагатай асуудал юм. Хэрэв энэ хэлцэл хийгдвэл Хөрөнгө оруулалтын гэрээний үйлчлэх хүрээг гэрээ байгуулах үед Оюутолгой ХХК эзэмшдэггүй байсан тусгай зөвшөөрөлтэй талбайд хамааруулж өргөжүүлнэ гэсэн үг.
Тодруулбал Оюутолгой төслийн Хөрөнгө оруулалтын гэрээнд “Гэрээт талбай” гэх тодорхойлолт байдаг. Гэрээт талбайгаас олборлож худалдсан бүтээгдэхүүнд төлөх нөөц ашигласны төлбөрийг 5% тооцож тогтворжуулсан. Гэрээт талбайд Антре гоулд компанийн эзэмшдэг тусгай зөвшөөрөлтэй талбайг оруулах эсэх асуудал дээр дурдсан хэлцлийн үр дүнд шийдэгдэх бөгөөд үндсэндээ Хөрөнгө оруулалтын гэрээнд нэмэлт, өөрчлөлт оруулах асуудал хөндөгдөж байна.
Хөрөнгө оруулалтын гэрээ байгуулаад бараг 15 жил өнгөрчээ. Энэ хугацаанд үүссэн татварын маргааны асуудал шийдэгдээгүй төдийгүй улам төвөгтэй болохоор байна.
Антре гоулд компанийн тусгай зөвшөөрөлтэй талбайн хувьд өөрт ашигтай заалтыг Хөрөнгө оруулалтын гэрээнд тусгуулж, үйлчлэх хүрээг өргөжүүлэх боломжийг нээлттэй болгосон нь нэг талыг барьсан, манай талд ашиггүй гэрээ байгуулсны нэг л жишээ юм.
Дашрамд дурдахад Антре гоулд компанийн гаргасан хувьцааны 16.5%-ийг Рио Тинто шууд бусаар эзэмшдэг. Хэлцлийн үр дүнд Антре компани шилжүүлсэн тусгай зөвшөөрөлтэй талбайнуудын эдийн засгийн үр өгөөжийн 20%-ийг хүртэхээр байна".
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Эзэн нь юмаа мэддэгсэн энэ луйварчдыг яая даа яшиг гэрээгээ цуцалмаар юм манайд ашиггүй юм бол заавал ашиглах хэрэг байна уу
Усгүй болох гээд бна
эрхэм ТУЗ гишүүдээ арга хэмжээ авч чадахгүй юу
ОТ-д амжилт хүсье
Монголоос зайл. Энд юугаа шиншилж яваа юм.
ОЮУТОЛГОЙН ТУЗ-ийн ӨЛӨН ХУЛГАЙЧУУДЫГ СОЛИВОЛ ЯАСАН ЮМ БЭ. ТЭР НЭГ АМАНДАА АДСАГА ЗУУСАН, ТИТЭМ ҮГ ХЭЛДЭГ ХУЛГАЙЧ НЬ ТУЗ-өөс ГАРСАН УУ. ЭНЭ 2 ТУСГАЙ ЗӨВШӨӨРЛИЙГ ОЮУТОЛГОЙД НЭГТГЭЖ БОЛОХГҮЙ ШҮҮ. ЕР НЬ ОЮУТОЛГОЙН АШИГЛАЛТЫГ ЗОГСООВОЛ ХОЖИМ БИДЭНД ХЭРЭГТЭЙ ШҮҮ. ГОВЬ УСГҮЙ БОЛЛОО ХУЛГАЙЧУУДАА. 1 ТОНН УС 1 СЕКУНДАД АШИГЛАЖ БАЙНА АРАЙ ЮУ
Ot mongol erguulj abah heregtei geree hiisen urbagchidaa tsaazal jild mongol ulsiin buh tusuliig dabsan asjig olj ba 12terbum mongold yamar ch ashig hubiarlahgui
Юун нэмэлт талбай одооны дээрмийн ашиглалтаа зогсоо
Зүгээр л улсдаа буцааж ав. Авилгачдын аманд бүү өг