Гадаад мэдээДЭЛХИЙ

Хонконгт 146 кг алтыг машины эд ангийн хэлбэрт оруулж хил давуулах гэж байсныг илрүүлжээ

Хонконгийн албан тушаалтнууд 146 кг алтыг машины эд ангийн хэлбэрт оруулан будаж хил давуулах гэж байсныг илрүүлжээ. Хил давуулах гэж завдсан алтны үнэ нийтдээ 10 сая ам.долларт хүрнэ гэж мэргэжилтнүүд мэдээлсэн юм.

Хонконг нь дэлхийн хамгийн том алтны худалдааны төв. Сүүлийн үед геополитикийн тогтворгүй байдлын улмаас алтны үнэ өсөөд буй.

Цагдаагийн алба тус хэрэгтэй холбогдуулан 31 настай эрэгтэйг баривчилсан ч батлан даалтад гаргаж, нэмэлт мөрдөн байцаалт явуулах болжээ. Хууль бусаар эд зүйл хилээр гаргах эсвэл нэвтрүүлэх нь Хонкогийн хуульд долоо хүртэлх жилийн хорих ял оноодог гэмт хэрэг.

Зургийн эх сурвалж: AFP

Гаалийн ажилтнууд гуравдугаар сарын 27-нд Япон руу явах ачаанд багтсан барааг шалгахад хачирхалтай бүтэц, жинтэй зүйлс олдсон байна. Нэмэлтээр шалгаж үзэхэд араа, шураг, моторын гол зэрэг машины хэсгүүдийн хэлбэрт оруулж, будсан алт байсныг илрүүлсэн юм.

Албан тушаалтнууд Японд үйл ажиллагаа явуулдаг гэмт бүлэглэл татвараас зайлсхийхийн тулд ийм ажиллагаа явуулах гэж оролдсон байж магадгүй гэж мэдэгджээ.

Эх сурвалж: BBC

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
2 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2024-04-10 23:34

Хонгконг

Буба
Буба
2024-04-12 18:45

16сая доллар хүрээд байх шиг

Холбоотой мэдээ

Back to top button