Д.Загджавын шаардлагад тэнцээгүй намууд мөрийн хөтөлбөрөө зургаа хоногийн дотор дахин хүргүүлнэ

УИХ-ын 2024 оны ээлжит сонгуульд оролцох улс төрийн 27 нам, хоёр эвсэл мөрийн хөтөлбөрийг ҮАГ-ын орлогч Д.Загджав буцаасан. Намуудын мөрийн хөтөлбөр аудитын босго давж чадаагүй.

Яагаад бүгдийг нь хүлээж аваагүйгээ Д.Загджав “Монгол Улсын эдийн засгийн урт хугацааны зорилтыг, бодлогыг хангах чиглэл рүү хандуулах учиртай. Эдийн засгийн тооцооллуудыг үзсэн. Зарим нэг засч залруулах ёстой зүйлүүд байгаа юм аа. Тэр бүгдийг тодотгоод явуулсан манай саналыг нам эвслүүд эргэж хараад 17-ны өдөр ирүүлнэ” хэмээн тайлбарлажээ.

Одоо Сонгуулийн тухай хуулиар нам, эвслүүд мөрийн хөтөлбөрөө эргэж харж, засаад аудитын газарт 17-нд хүргүүлэх юм. ҮАГ дөрөвдүгээр сарын 26-ныг хүртэл дахин хянаж, аудитын дүгнэлтээ гаргаад Сонгуулийн ерөнхий хороонд хүргэх учиртай.

УИХ-ын сонгуулийн тухай хуулийн 38-р зүйлийн 38.3 -д 38.3.Сонгуулийн мөрийн хөтөлбөрт дараах зүйлийг тусгахыг хориглодог.

• 38.3.1.мөнгө, эд хөрөнгө, эд хөрөнгөтэй холбоотой эрх олгох;
• 38.3.2.уул уурхай, газрын тос, эрдэс баялгийн болон бусад салбарын орлого, түүнчлэн улс, орон нутгийн төсвөөс иргэдэд аливаа хишиг, хувь, тэдгээртэй адилтгах бусад зүйл хүртээх;
• 38.3.3.зээлийн болон бусад өр төлбөрийг хүчингүйд тооцох, хөрвүүлэх;
• 38.3.4.иргэдэд үнэ төлбөргүй, эсхүл хямдралтай үнээр үйлчилгээ үзүүлэх;
• 38.3.5.ажлын байранд зуучлах, ажилд оруулах;
• 38.3.6.улсын болон орон нутгийн төсвийн хөрөнгийг иргэдэд тараан олгох, шууд зарцуулахтай холбогдсон асуудлыг хориглодог.

Энэ мэдээнд өгөх таны үнэлгээ

Хуваалцаарай Жиргээрэй