Шинэ судалгаагаар БНХАУ-ын томоохон хотуудын тал гаруй хувьд нь дундаас хүнд түвшний суулт үүссэн байгааг илрүүлжээ. Үүний улмаас олон сая хүн үерийн эрсдэлд ороод буйг эрдэмтэд онцолсон байна.
“Science” сэтгүүлд өнөөдөр /2024.04.19/ нийтлэгдсэн судалгаагаар бол БНХАУ-ын хот суурин газрын 45 хувь нь жилд 3 мм-ээс илүү хурдан газарт сууж байгаа аж. Харин 16 хувь нь 10 мм-ээс илүү хурдтай газарт сууж байгааг судлаачид илрүүлжээ.
Энэ нь хотын бүтээн байгуулалтын жин, гүнийн усны хэмжээ буурч буйгаа үүдэлтэй аж. Судлаачдын баг “БНХАУ-д 900 сая хүн хот суурин газарт амьдардаг. Ийм учраас газар нутгийн багахан хэсэг нь ч гэсэн сууж эхэлбэл суурин газрын амьдралд ноцтой аюул учирч магадгүй” гэсэн байна.
Хот суурин газрын суулт нь БНХАУ-ын эдийн засагт жил бүр 7.5 тэрбум юанийн (1.04 тэрбум ам.доллар) хохирол учруулдаг гэх тооцоо бий.
Судалгаагаар бол ирэх зуунд Хятадын далайн эрэг орчмын газар нутгийн дөрөвний нэг орчим нь далайн түвшнээс доор орох магадлалтай аж. Ингэснээр олон зуун сая хүний оршин сууж буй газар усанд автах эрсдэлтэй.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Битгий их уржээ та нар
За хятадууд түвдийн өндөрлөг, Хянганы нуруугаар нутаглах нь.