Ерөнхий сайдын ивээлээр генералуудын эгнээнд багтагсад

Монгол Улсад генерал цол олгож эхэлсний 80 жилийн ойг тохиолдуулан Ерөнхийлөгч, Зэвсэгт хүчний Ерөнхий командлагч У.Хүрэлсүх хоёр "залуу" генарал цолтон төрүүллээ.

Ерөнхий сайдын томилгооны хоёр хүнд Ерөнхийлөгч Бригадын генерал цол хүртээсэн нь анхаарал татсан гэж хэлж болно. Тодруулбал,

Генерал цол нь Дээд офицерын цолын ангилалд багтдаг. 2.7-д “Дээд офицерын цолыг Монгол Улсын Ерөнхийлөгч олгоно” гэж л заасан байна. Шинээр олгох нь Ерөнхийлөгчийн шууд зарлиг гарган шийдэх асуудал. Өмнө нь Засгийн газраас саналыг өргөн барьдаг байсан ч энэ заалтыг 2007 онд хассан байдаг аж.

Энэ утгаараа Ерөнхий сайд өөрийн хүмүүстээ Ерөнхийлөгчөөр Бригадын генерал цолыг хүртээлгэсэн гэсэн үг. Хууль хүчний байгууллагад Ерөнхийлөгч, Ерөнхий сайд хоёрын хэн нь хүчтэй байх вэ гэдэг далд "сөргөлдөөн" аль ч үед явагдаж ирсэн. Ийм цаг үед Л.Оюун-Эрдэнэ хоёр хүнээ дээш нь шидүүлж, генералуудын эрэмбэд багтаав.

Энэ утгаараа Ерөнхийлөгч У.Хүрэлсүх Ерөнхий сайд байх үедээ энэ чиглэлд онцгой анхаарч ирсэн нэгэн. Тэрбээр, хурандаа, генералуудыг нэгтгэсэн "Монгол цэргийн нэгдсэн холбоо” ТББ-ыг 2019 онд байгуулан тэргүүлж, орон нутаг руу хүрээгээ тэлэх алхмуудыг хийж ирсэн. Тус холбооны дэргэд “Генералуудын гэргий” клуб хүртэл ажиллаж нийгэмд бүрэн механизмаар ажиллахыг зорилго болгодог гэж харагдана.

Шинэхэн Бригадын генералуудын намтар, хөрөнгөтэй танилц:

Т.Сүхболд:

Цагдаагийн ерөнхий газрын дарга, Дотоодын цэргийн командлагч, цагдаагийн хурандаа Төмөрбаатарын Сүхболдод Бригадын генерал цол хүртээв.

Т.Сүхболдын хувьд эл цолыг хүртсэнээрээ асар их шүүмжлэлд өртөв. Учир нь сар гаруйн өмнө 13-хан настай охиныг жилийн турш хүчирхийлсэн Сэлэнгэ аймгийн цагдаагийн дөрвөн алба хаагчийн тухай жигшүүрт хэрэг хэвлэл мэдээллийн хэрэгслээр нийтэд ил болсон. Улмаар Ерөнхий сайд Л.Оюун-Эрдэний үүрэг болгосноор ЦЕГ-ын дарга, хурандаа Т.Сүхболд цагдаагийн алба хаагчдыг баривчлахаар Сэлэнгэ аймаг руу сүр дуулиантайгаар явж байв. Гэвч хэрэг АТГ-ын харъяалалд шилжиж, гурав нь гадуур шалгагдсан байдалтай байгаа юм. Гадны улс орны жишгээр генерал цол хүртэх нь битгий хэл уулал гуйгаад албан тушаалаасаа огцрох байлаа. Гэвч манайд тэгсэнгүй.

Т.Сүхболдын хувьд: 1980 онд Улаанбаатар хотод төрсөн ч, Хэнтийн гаралтай нэгэн. Хуульч, эрх зүйч мэргэжилтэй. 1998 оноос СХД-ийн Цагдаагийн хэлтэст цагдаагаар ажиллаж эхэлсэн намтартай. 2005 оноос Хэнтий аймгийн цадаагийн газарт хэсгийн төлөөлөгчөөр шилжин ажилласан. 2013 оноос ЭЦГ-ын Эдийн засгийн гэмт хэрэгтэй тэмцэх хэлтэст ахлах төлөөлөгч, тасгийн даргаар ажилласан. 2020 оноос ЭЦА-ны дэд бөгөөд Эдийн засгийн гэмт хэрэгтэй тэмцэх газрын даргаар, 2023 оны есдүгээр сараас ЦЕГ-ын даргаар томилогдон ажиллаж эхэлсэн билээ.

ХОМ:

• Өөрийн орлого: 48 сая
• Гэр бүлийн орлого: 15 сая
• Орон сууц: 203 сая
• Автомашин: 30 сая
• Мал: 224 сая
• Газар: 20 сая
• Үнэт эдлэл: 6,9 сая
• Хадгаламж: 27 сая
• Зээл: 77 сая

С.Хүдэрчулуун

Тагнуулын ерөнхий газрын дэд дарга, хурандаа Сүрэнжавын Хүдэрчулуунд Бригадын генерал цол хүртээв.

Дэд дарга С.Хүдэрчулууны хувьд: 1979 онд Улаанбаатар хотод төрсөн. Хуульч-эрх зүйч мэргэжилтэй. Цэргийн байгууллагад 17 жил ажилласан, цэргийн хурандаа цолтой. Тагнуулын ерөнхий газарт 2003 оноос одоог хүртэл ажилтан, ахлах ажилтан, тасгийн дарга, хэлтсийн дарга, газрын орлогч, газрын даргаар тус тус ажиллаж байсан. 2020.09.02-ноос Тагнуулын ерөнхий газрын дэд даргаар томилогдон ажиллаж байгаа.

Өдгөө Б.Содномдаржаа, Т.Чимгээ нарыг олон улстай хамтарч “өмгөөлөх” Засгийн газраас гаргасан бүрэлдэхүүнд багтчихсан яваа.

ХОМ:

• Өөрийн орлого: 73 сая
• Гэр бүлийн орлого: 70 сая
• Орон сууц: 613 сая
• Автомашин: 75 сая
• Мал: 130 сая
• Газар: 30 сая
• Үнэт эдлэл: 260 сая
• Хадгаламж: 315 сая
• Авлага: 99 сая

У.УЯН

Энэ мэдээнд өгөх таны үнэлгээ

Хуваалцаарай Жиргээрэй