Японд 18 настай сурагч их сургуулийн элсэлтийн шалгалтдаа ухаалаг шил ашиглан хуулсан хэрэгт буруутгагдаад байгаа талаар эх сурвалжууд мэдээлжээ.
Тэрбээр Токио хот дахь Васэда их сургуулийн элсэлтийн шалгалтыг өгөхдөө ухаалаг шил зүүж, түүгээрээ шалгалтын материалын зургийг аван интернэт дээр байршуулах замаар хуулсан байна.
Васэда их сургуулийн удирдлагад түүний интернэт дээр тавьсан зургийг харсан нэгэн хүн энэ талаар мэдээлэл өгсөн аж. Сурагч хоёрдугаар шатны шалгалт өгөхөөр ирэхэд цагдаа нар түүнийг саатуулжээ.
Токиогийн цагдаагийн газар энэхүү хэргийг элсэлтийн шалгалтын үйл ажиллагаанд саад учруулсан гэх үндэслэлээр прокурорт шилжүүлэхээр төлөвлөж байгаа юм.
Ухаалаг шил ашигласан өсвөр насны хүүхэд хийсэн зүйлдээ харамсаж буйгаа илэрхийлжээ.
Цагдаагийн албанаас мэдээлснээр тэр “Их, дээд сургуулийн элсэлтийн шалгалтад тааруухан оноо авснаасаа болж би суралцах хүсэлт гаргасан улсын их сургуулийн элсэлтийн шалгалтдаа тэнцээгүй. Бусад их сургуулийн элсэлтийн шалгалтад бас тэнцэж чадахгүй байх вий гэж санаа зовсон учраас ийм санаа төрсөн” гэж хэлсэн байна.
Эх сурвалж: Asahi Shimbun
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Уха�##�аг шил ашиглаж чадсаны төлөө тэнцүүлчихгүй дээ ккк
Авьяастай хүү байна, тагнуулын байгууллагад бараг тэнцчих юм биш үү, ккк
Hucad bganbe gcy cn
уха�##�аг шил авна