БНХАУ-ын Хэнань мужид орших Юунтай ууланд 312 метрийн өндрөөс цутгадаг хүрхрээ бий. Тус цутгаланг Хятадын хамгийн өндөр хүрхрээ гэж тодотгодог юм.
Тэгвэл тус хүрхрээг хиймэл гэдгийг харуулсан бичлэг интернэт дээр цацагдсаны дараа Хятадын сошиал орчинд шуугиан тарьж, гадаадын бусад орнуудын платформуудад хэрэглэгчдийн анхаарлыг татах болжээ.
Тодруулбал нэгэн аялагч Юунтай уулны оргил дээр гарч, хүрхрээ хэрхэн цутгадгийг харахыг хүссэн аж. Тэр аялагч оргил дээр гарах үед хүрхрээ голоос бус хиймэл хоолойноос цутгаж байсан юм.
Douyin буюу Хятад TikTok дээр Farisvov нэртэй аккаунттай тэр “Би Юунтай хүрхрээний эхэд байдаг хоолойг харахын тулд их зовсон тухай бичлэг” гэсэн тайлбартай бичлэгээ нийтэлсэн юм.
Түүний хийсэн бичлэг цахим орчинд маш их хандалт авчээ. Мөн бусад жуулчдын хийсэн бичлэг ус шахаж буй хоолойг чулуугаар хучсан мэт бүтэц бичигдсэн байна.
“Юунтайн хүрхрээний эх нь зүгээр л хоолой байж” гэх сэдэвтэй нийтлэлүүд Хятадын сошиал платформуудаар хурдацтай тархсан юм.
Farisvov-ийн нийтэлсэн бичлэг Weibo дээр 14 сая гаруй хандалт авсан байна. Харин Douyin дээр 10 сая үзэлт авчээ.
Сошиал орчинд ихээхэн анхаарал татаж байсан тул Юунтайн аялал жуулчлалын хүрээлэнгийн ажилчид хуурай улиралд хүрхрээг татрахаас сэргийлж, жуулчид зорьж ирсэн газраа харах боломж гаргаж өгөхийн тулд хоолой суулгасан гэсэн юм.
Эх сурвалж: New York Post
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ха ха..үмхии гятад санаа ч мөндөө..
ҮМХИЙ ХЯТАДУУДЫГ ЯАНА А ХА ЯА ЯА