“QS” байгууллага 2025 оны дэлхийн шилдэг их сургуулиудын жагсаалтыг гаргасан байна.
Тус жагсаалтыг АНУ-д оршдог Массачусетсийн технологийн институт 13 дахь жилдээ тэргүүлжээ. Харин хоёрдугаар байрт Лондоны Эзэн хааны коллеж орсон бол Окфсордын их сургууль удаалсан юм.
2025 оны жагсаалад 1,500 гаруй их сургуулийг эрэмбэлсэн байна. Шилдэг их сургуулиудын дөрөвт Харвард, тавд Кембриж оржээ.
Их сургуулиудыг үнэлэхдээ эрдэм шинжилгээний ажил болон удирдлагынх нь нэр хүнд, багш-оюутны харьцаа, нэг факультетад ногдох эшлэлийн тоо, олон улсын багш нарын харьцаа, гадаад оюутны харьцаа, олон улсын судалгааны сүлжээ, тогтвортой байдал зэрэг үзүүлэлтийг ашиглажээ.
АНУ болон Их Британийн их сургуулиуд жагсаалтад хамгийн их багтсан байна. АНУ-ын 197 их сургууль тус жагсаалтад орсон юм. Жагсаалтад хамгийн олон тооны их сургууль нь багтсан гурав дахь улс бол БНХАУ.
Шилдэг хорин их сургуульд дунд БНХАУ-ын хоёр их сургууль багтсан нь Бээжингийн их сургууль (14) , Цинхуа их сургууль (20) хоёр юм.
2025 оны шилдэг 10 их сургуулийг жагсаавал:
- Массачутестийн технологийн хүрээлэн, 100 оноо
- Лондоны Эзэн хааны коллеж, 98.5 оноо
- Оксфордын их сургууль, 96.9 оноо
- Харвардын их сургууль, 96.8 оноо
- Кембрижийн их сургууль. 96.7 оноо
- Стэнфордын их сургууль, 96.1
- Швейцарын холбооны технологийн хүрээлэн, 93.9
- Сингапурын үндэсний их сургууль, 93.7
- Лондоны их сургуулийн коллеж, 91.6
- Калифорнийн технологийн хүрээлэн, 90.9
Эх сурвалж: Euro News
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Лондонгийн эзэн хааны коллэж гэсэн шашны сургууль мундаг бна. Манай гандангийн шашны сургууль хаана яваа бол.