Япон улсын өнцөг булан бүрд янз бүрийн бараа зардаг худалдааны машин байдаг билээ.
Тэгвэл АНУ-ын гурван мужид галт зэвсгийн сум зардаг худалдааны машин байршуулсан байна.
“American Rounds” нэртэй компани тэдгээр машинуудыг Алабама, Техас болон Оклахома мужид байрлуулжээ.
Тус компани мэдэгдсэнээр худалдааны машин нь худалдан авагчийн мэдээллийг шалгахдаа хиймэл оюун ухаан, нүүр таних технологи ашиглах юм.
Ингэснээр худалдан авагчийн насыг болон бичиг баримт өөрийнх нь болохыг шалгаж чадна гэж “American Rounds” компани мэдэгджээ.
Тус компанийн захирал Грант Мэйжерс хэлэхдээ 2023 онд орон нутгийн дэлгүүрүүд компанийнх нь технологийг ашиглан галт зэвсгийн сум худалдах санал тавьсан гэсэн юм.
АНУ-ын Согтууруулах ундаа, тамхи, галт зэвсэг, дэлбэрэх бодисын товчоо (ATF) мэдэгдэхдээ “Галт зэвсгийн сум зарахад холбооны тусгай зөвшөөрөл авах шаардлагагүй. Гэхдээ сумны арилжаа нь тухайн мужийн хуулийн дагуу явагдах ёстой” гэжээ.
Эх сурвалж: CNN
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.