Хамас болон Хезболла бүлгийн өндөр албан тушаалтнууд агаарын цохилтод амь үрэгдсэний дараа Ойрх дорнодод нөхцөл байдал хурцдаад байгаа.
Хамасын улс төрийн удирдагч Исмайл Хание долоодугаар сарын 31-нд Ираны Техран хотод байхдаа агаарын цохилтод өртөж амь үрэгдсэн. Харин Хезболла бүлгийн ахлах командлагч Фуад Шукр Ливаны Бейрут хотод байхдаа цохилтод өртөж нас барсан юм.
Иран болон Хезболла бүлэг тэдгээр албан тушаалтнуудын үхэлд Израилыг буруутгаж, хүчтэй хариу барихаа амласан.
Ийм учраас АНУ-ын Батлан хамгаалахын сайд Лойд Остин нарийвчлалтай пуужин харвах чадалтай шумбагч онгоц Ойрх дорнод руу илгээхийг тушаасан байна.
АНУ-ын илгээж буй USS Georgia шумбагч нь долоодугаар сард Газар дундын тэнгист даалгавар гүйцэтгэж явжээ. Шумбагч онгоцоо ийм байдлаар хаашаа илгээж буйгаа олон нийтэд зарлах нь ховор үзэгдэл юм.
Вашингтон Израилын хамгаалалтыг бэхжүүлэхийг эрмэлзэж байгаа тул Ойрх дорнодод нэмэлтээр сөнөөгч онгоц, тэнгисийн цэргийн байлдааны хөлөг онгоцнуудаа байрлуулна гэдгээ мэдэгдсэн байгаа.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Америк оролцсон л бол мөргөлдөөн хурцдана гэсэн үг