Монголын сонгодог урлагийн уран бүтээлчид есдүгээр сарын 26-30-ны хооронд Москва хотод болсон “GRAND STAGE AWARDS” нь олон улсын дуурийн залуу дуулаачдын уралдаанд амжилттай оролцлоо.
Энэхүү олон улсын нэр хүндтэй тэмцээнд Гнесинийн нэрэмжит ОХУ-ын хөгжмийн академийн магистрантур Б.Доржнамжин гранпри, УДБЭТ-ын дуучин Х.Бямбарагчаа тэргүүн байр, Ж.Россинийн нэрэмжит тусгай шагналын эзэн болсон байна.
Хөгжмийн уралдаан гурван үе шаттайгаар явагдсан бөгөөд эхний сонгон шалгаруулалтыг энэ оны тавдугаар сард зохион байгуулжээ. Шалгаруулалтын эхний шатанд Беларусь, Казахстан, Киргиз, Армени, Гүрж улсууд болон БНХАУ, Өмнөд Солонгос, Герман, Австри, Грек, АНУ, Израиль болон Словенийн дуурийн урлагийн чансаа өндөр 179 мэргэжлийн дуучид өрсөлджээ.
Шүүгчдийн бүрэлдэхүүн 50 оролцогчийг хоёрдугаар шатанд шалгаруулж, есдүгээр сарын 30-нд ОХУ, Монгол Улс, Армени,Германы шилдэг 20 дуучин финалд үлдсэн байна.
М.АГАР
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.