Арваннэгдүгээр сарын 4-7-ны өдрүүдэд АНУ-ын Лас Вегас хотноо Жүдогийн ахмадын ДАШТ үргэлжилж байна.
Тус тэмцээний М3 буюу 40-45 насны эрэгтэйчүүдийн +100 кг-ын ангилалд Улсын начин А.Давааням оролцож, хүрэл медаль хүртлээ.
А.Даваанямын хувьд Хөвсгөл аймгийн Галт сумын харьяат, "Хөвсгөлийн хүчтэн" дэвжээ, "Сүлд" спорт хорооны тамирчин юм. Тэрбээр дагах барилдаанд Канадын тамирчныг ялснаар ийн хүрэл медалийн болзол хангажээ.
Жүдогийн ахмадын ДАШТ-д 69 орны 1223 тамирчин оролцож байгаа юм. Харин манай улсаас 30 эрэгтэй, 17 эмэгтэй тамирчин бүртгүүлсэн.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.