БНХАУ-ын өмнөд хэсэгт оршдог Жухай хотод байрладаг спортын төвд нэгэн жолооч машинтайгаа цугларсан хүмүүс рүү орсны улмаас 35 хүн амь үрэгдэж, 43 хүн бэртсэн байна. Энэ хэрэг БНХАУ-ын орчин үеийн түүхэн дэх хамгийн олон хүн амь үрэгдсэн халдлагын нэг боллоо.
Жухай бол Макаогийн ойролцоо оршдог, 2.5 сая гаруй оршин суугчтай хот юм. Тус хэрэг даваа гарагт /2024.11.11/ гарсан ч Хятадын эрх баригчид бараг 24 цагийн дараа албан ёсны мэдэгдэл гаргажээ. Weibo платформын нэгэн хэрэглэгч “Өнөөгийн маш их холбогдсон ертөнцөд ч гэсэн энэ явдлын талаар 24 цагийн дараа л мэдлээ” гэж бичсэн байна. Албаныхан хэргийн талаар урт хугацааны дараа мэдээлэл хийсэнд дургүйцсэн сэтгэгдлүүдийг устгажээ. Мөн Weibo платформ тус ослоор нас барсан хүний тоог дурдсан хаштагийг хориглосон байна.
Цагдаа нарын мэдээлснээр 62 настай Фан овогтой эрэгтэй машиныг жолоодож байжээ. Түүнийг цагдаа нар хүзүү болон биеийнхээ бусад хэсэгт хутганы шархтай болсон байдалтай баривчилсан юм. Тэдгээр шархыг Фан өөртөө өгсөн байх магадлалтай гэж мэргэжилтнүүд мэдээлжээ. Фан гэр бүл салахад хөрөнгийг нь хуваасан явдалд сэтгэл дундуур байсан гэж нэгэн эх сурвалж мэдээлсэн юм.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Googledsen textee saihan mongol hursunduu buugaj nairuulj bichij bh heregtei.