Дохио өгөөгүй байхад кран ажиллуулж, оосорлогчийн амийг хохироожээ

Өнгөрөгч онд Хэнтий аймгийн Дархан сумын нутаг дэвсгэрт “Дорнын нүүрс” ХХК-ийн эзэмшлийн ачилтын 14 дүгээр талбайд 33 настай эрэгтэй Э кран жолоодож байхдаа ачаа өргөхийн урьд оосорлогч дохио өгөөгүй байхад ажиллуулсны улмаас тухайн техникийг иргэн А-г кранд хавчуулан амь насыг хохироосон байна.

Энэ ослыг харсан гэрч болон үйлдвэрийн талбайн камерт тухайн хэргийн үйлдэл бичигдсэн байна. Улмаар шүүх шинжилгээний дүгнэлт, хэргийг газрын үзлэг зэргээс Эрүүгийн хуулийн 10.6 дугаар зүйл ангид заасанчлан Хүний амь насыг болгоомжгүйгээр хөнөөсөн хэмээн үзсэн байна.

Улмаар тухайн хэрэг үйлдсэн этгээдийн ажилладаг компани буюу “Тэмүүлэн-Шакман Транс” ХХК- аас амь хохирогчийн ар гэрт 116 сая төгрөгийг, харин тухайн техникийг дохиогүйгээр ажиллуулсан жолоочийн зүгээс нэг хонь өгсөн гэх.

Иймд шүүх байгууллагаас тухайн хэрэг үйлдсэн этгээдэд хорих ял өгөлгүй, хоёр жилийн тэнсэх ял оноосон байна.

Холбогдох хуулийн заалт: Эрүүгийн хуулийн 10.6 дугаар заалт. Хүний амь насыг болгоомжгүйгээр хохироох

1.Хууль, түүнд нийцүүлэн гаргасан захиргааны хэм хэмжээний акт, хэлцлээр хүлээсэн үүргээ биелүүлээгүй, эсхүл бусад болгоомжгүй үйлдэл, эс үйлдэхүйн улмаас хүний амь насыг хохироосон бол нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ.

2.Энэ гэмт хэргийн улмаас хоёр, түүнээс олон хүний амь насыг хохироосон бол хоёр жилээс найман жил хүртэл хугацаагаар хорих ял шийтгэнэ.

З.УЧРАЛ

Энэ мэдээнд өгөх таны үнэлгээ

Хуваалцаарай Жиргээрэй