Шинээр томилогдсон Францын Ерөнхий сайд Франсуа Байру даваа гарагт /2024.12.23/ шинэ засгийн газраа танилцуулсан байна. Энэ он гарснаас хойш Франц дөрвөн удаа ерөнхий сайдаа сольсон. Даваа гарагт танилцуулагдсан засгийн газар нь мөн адил энэ оны дөрөв дэх засгийн газар юм.
Байругийн засгийн газар хуучин, шинэ сайд нар томилогдсон байна. Тухайлбал Дотоод хэргинй сайд асан Жеральд Дарманин Хууль зүйн сайдаар томилогджээ. Харин дотоод хэргийн сайдаар Бруно Ретайлло ажиллана. Ерөнхий сайд асан Элизабет Борне Боловсролын нарийн бичгийн дарга, ерөнхий сайд асан Мануэль Валлс хилийн чанадын асуудал эрхэлсэн сайдаар томилогдсон байна. Банкир асан Эрик Ломбард эдийн засгийн сайдаар ажиллана.
Харин Жан-Ноэль Барро гадаад хэргийн сайдаар хэвээр үлдэх юм. Мөн Себатьен Лекорну батлан хамгаалах, Рачида Дати соёлын сайдын ажлаа үргэлжлүүлэх болжээ. 2027 онд Франц улсад ерөнхийлөгчийн сонгууль явагдана. Иймээс улс төрийн томоохон зүтгэлтнүүд шинэ засгийн газарт ажиллахаас цааргалж байсан учир . Учир нь тус засгийн газар ирэх зуны парламентын сонгууль хүртэл үйл ажиллагаа явуулахгүй царцах магадлал өндөр байгаа. Мөн Байругийн засгийн газар нуран унах эрсдэлтэй. Түүний өмнө ерөнхий сайдаар ажиллаж байсан Мишель Барньегийн засгийн газар 90 хоногийн дотор л нуран унасан.
Эх сурвалж: The Guardian
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ЗГ үүсгээд байхдаа яах вэ дээ.
Гол eрөнхийлөгч тул засгийн газар байхын бараа