Энэ оны нэгдүгээр сарын 24, хоёрдугаар сарын 05. Арван хоногийн зайтай эл хоёр өдрүүдэд хоёр гэр бүлийн 10 хүн зуурдаар эндлээ.
-#1: Нэг гэр бүлийн зургаан хүн амиа алдсан хэргийн шүүх шинжилгээний дүгнэлт гараагүй, цагдаагийн байгууллагаас хэрэгт холбоотой ажлын хэсэг гараагүй-
Цагдаагийн байгууллагаас өгсөн мэдээллээр бол хэрэг болсноос хойш хамгийн багадаа 14 хоногийн дотор цогцост хийсэн шүүх шинжилгээний дүгнэлт гардаг гэх. Гэтэл хэрэг гарснаас хойш 18 хоног өнгөрсөн ч шинжилгээний хариу алга, хэзээ гарахыг нь ч хэлэх хүнгүй байна. Харин цагдаагийн байгууллагаас тус хэрэгтэй холбоотойгоор ажлын хэсэг гараагүй, шүүх шинжилгээний дүгнэлт хүлээж байгаа гэх. Мөн гэр бүлээсээ ганцаар амьд үлдсэн О.Одбаярын өмгөөлөгчийн зүгээс ч "Цогцост хийсэн шүүх шинжилгээний дүгнэлтийг хүлээж байна. Хариу гармагц миний ажил эхэлнэ" гэх байр суурийг илэрхийлээд буй юм.
-#2: Гурван хүүхдийн хамт гэртээ шатаж нас барсан цагдаагийн албан хаагч асан-
Тэгвэл дээр дурдсан 10 хоногийн зайтай 10 хүний амийг авч одсон хоёр хэргийн үндсэн шалтгаан шүүх шинжилгээний дүгнэлтийг хүлээж байгаа аж.
Бид эл хэргүүдийн талаар эргэн мэдээлэх болно...
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.