Танилц: Дараах дөрвөн шалтгаанаар Нийслэлд 48 цагаас илүү байсан бол хураамжаас чөлөөлнө

Орон нутагт бүртгэлтэй тээврийн хэрэгсэл Нийслэлд нэвтрээд, 48 цагаас дээш хугацааг өнгөрөөвөл хоногт 5 мянган төгрөгийн хураамж төлж байгаа.

Тэгвэл, хэрэв хүндэтгэх шалтгаанаар Нийслэлд 48 цагаас илүү байсан бол хураамжаас чөлөөлдөг болж байгаа юм байна. Энэ хөнгөлөлт маргаашийн бямба гаргаас эхлэн хэрэгжинэ.

Харин хөнгөлөлтийг дараах дөрвөн шалтгаантай хүмүүст, доор дурдсан нотлох баримтуудыг бүрдүүлж өгснөөр эдлүүлэх юм байна:

• Эрүүл мэндийн шалтгаанаар нийслэл хотын нутаг дэвсгэрт байрлах эмнэлэгт эмчилгээ хийлгэсэн
  Нотлох баримт: Иргэний хүсэлт Үйлчилгээ авсан эмнэлгийн эмчлэгч эмчийн тамга, тэмдэг, гарын үсэг бүхий эмнэлгийн бичиг, бусад
• Оршуулгын үйл ажиллагаанд оролцох шалтгаанаар нийслэл хотын нутаг дэвсгэрт хуанлийн 14 хоногоос илүүгүй байрласан. Нотлох баримт: иргэний хүсэлт нотлох бичиг баримт, тээврийн хэрэгслийн буяны ажлын бичиг, бусад
• 3. Хөдөлгөөнд оролцох боломжгүйгээр тээврийн хэрэгсэлд гэмтэл учирсан
  Нотлох баримт: Иргэний хүсэлт зам тээврийн осолд холбогдож тээврийн хэрэгсэлд гэмтэл учирсан бол эрх бүхий байгууллагын тодорхойлолт. Тээврийн хэрэгсэлд гэмтэл учирч хөдөлгөөнд оролцоогүй бол гэмтэл учирсан нь үнэн болох тээврийн хэрэгслийн зураг, засварт үйлчилгээ хийлгэсэн бол үйлчилгээний төлбөрийн баримт, бусад Тээврийн хэрэгслийн хөдөлгөөнд оролцоогүй маршрутыг Тээврийн цагдаагийн алба болон Замын хөдөлгөөний удирдлагын төв хамтран давхар шалгаж тогтооно.
• Онцгой байдлын үед эрх бүхий байгууллагын шийдвэрээр дайчлагдсан
  Нотлох баримт: Иргэний хүсэлт Онцгой байдлын үед ажиллах эрх бүхий байгууллагаас гаргасан шийдвэр (журам, тогтоол, захирамж, тушаал, албан бичиг гэх мэт мэдээллийг хавсаргана.)

Иргэний хүсэлтийг http://www.ubtraffic.mn/ сайтаар хүлээж авна.

Г.САНСАРМАА

Энэ мэдээнд өгөх таны үнэлгээ

Хуваалцаарай Жиргээрэй