АНУ-ын Ерөнхийлөгч Доналд Трамп пүрэв гарагт /2025.04.17/ Холбооны нөөцийн сангийн дарга Жером Пауэллийн эсрэг үг хэлээр хэд хэдэн дайралт хийжээ. Тэр Пауэллийг бодлогын хүүг бууруулалгүй улс төр хийж байна гэж буруутгаж, түүнийг ажлаас нь түргэн чөлөөлөх эрх мэдэл өөрт нь байгаа гэсэн аж. Трамп өөрийн сошиал хуудас дээрээ бичихдээ Пауэллийг ХНС-гийн даргын албан тушаалаас чөлөөлөгдөх өдрийг хүлээж байна хэмээжээ. Тэрбээр анх ерөнхийлөгчөөр ажиллаж байхдаа ч гэсэн Пауэлл руу чиглэсэн дайралт хийж байсан.
Трампын тарифын төлөвлөгөөний улмаас инфляц өсөх эрсдэл нэмэгдэж буй. Ийм учир ХНС бодлогын хүүг бууруулахаас цааргалах болсон. Одоогийн байдлаар орон сууцны зээл болон хэрэглээний зээлийн хүү өндөр байгаа юм. Трамп “Холбооны нөөцийн сан америкийн ард түмэнд бодлогын хүүг бууруулах өртэй. Би түүнд (Жером Пауэлл) сэтгэл хангалуун бус байгаа. Хэрвээ би түүнийг ажлаас нь чөлөөлөхийг хүсвэл шууд чөлөөлнө” гэж бичсэн байна. Трамп Пауэллийн мөнгөний бодлоготой санал нийлэхгүйн улмаас албан тушаалаас нь татан буулгавал дэлхийн санхүүгийн зах зээлийг донсолгосон асуудал болох магадлалтай. Пауэллийн бүрэн эрхийн хугацаа ирэх жилийн тавдугаар сард дуусна. Бүрэн эрх нь дуусах хүртэл ажлаа хүлээлгэн өгөх ямар нэгэн бодолгүй байгаа гэдгээ тэр илэрхийлсэн.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Жомбого Трамп
Энэ 80 нас хүрч байгаа зөнөг Трамп өвгөнийг хугацаанаас нь �######�уулах хэрэгтэй ТРАМП БОЛ ОХУ-ЫН ТАГНУУЛ БУУНЫ НОХОЙ