Дархан-Уул аймгийн залуу гэр бүл Б.Энхболд, Ц.Алтанчимэг нар хоёр хүүхдийнхээ хамтаар Монгол Улсын 21 аймаг, 330 сумаар тойрон аялахаар замдаа гаран явж буй. Тэгвэл тэдний аялал гурав дахь аймаг болох Говь-Алтай аймгаар үргэлжилж байна.
Өчигдөр буюу тавдугаар сарын 19--ний өдөр аялагч гэр бүл Говь-Алтай аймгийн Чандмань сумд хүрчээ.
Тэд аяллаа Дархан-Уул аймгийн Найрамдал талбайгаас эхлүүлэн 21 аймгийн 330 сумдаар аялж хоёр жилийн хугацаанд 57 мянган км зам туулахаар төлөвлөсөн ба очсон аймаг, сумуудын онцлог тал болон түүхийг цахим хуудсаараа дамжуулан бусдад мэдээлэлдэг гэдгээрээ онцлогтой юм.
Харин аяллын төгсгөлд Б.Энхболдын гэр бүлийнхэн 330 сумын хамгийн сүүлийн ойн баярын тэмдгийг цуглуулж, аяллынхаа тухай ном бичих аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.