Р.Эрдэнэбүрэн: Гүүр, замууд ашиглалтад орсноор түгжрэл 54 хувиар буурах тооцоо бий

Засгийн газрын ээлжит хуралдаанаар хэлэлцсэн шийдвэрүүдийг танилцуулж, сэтгүүлчдэд мэдээлэл өглөө. Өнөөдрийн хуралдаанаар,

• Нийтийн албан тушаалтны хууль бус хөрөнгийг иргэний журмаар нэхэмжлэх, нөхөн төлүүлэх тухай хуулийн төсөл
• Засгийн газрын 2024-2028 оны үйл ажиллагааны хөтөлбөрт туссан мега төслүүдийн явцын талаар
• “Даян дэлхийн ногоон хөгжлийн институтийн эрх зүйн байдал болон эрх ямба, дархан эрхийн тухай Монгол Улсын Засгийн газар болон Даян дэлхийн ногоон хөгжлийн институт хоорондын хэлэлцээр”-ийн төсөл
• “Тусгай зориулалтаар 2025 онд агнах, барих агнуурын амьтны тоо хэмжээг тогтоох тухай” Засгийн газрын тогтоолын төсөл зэрэг 34 асуудлыг хэлэлцж, танилцжээ.

Хэвлэлийн хурлын эхэнд Монгол Улсын сайд 20 минутын хот-Үндэсний хорооны дарга Р.Эрдэнэбүрэн,

Олон жил яригдсан хот төлөвлөлтийн асуудлыг ярилцсан. Хот тосгоны эрх зүйн байдлын хуультай холбоотойгоор хэлэлцэх байсныг нэг жилээр хойшлуулж байгаа. Тал талаас нь уялдаатай сайн хийж чадвал, дараа дараагийн хөрөнгө оруулалтын асуудлууд яригдаад явах боломжтой гэж харж байгаа.

-Та түгжрэл бууруулах сайд. Намар дахиад ажил, сургууль эхлэхээр түгжрэл буурсан байх уу?

-Туулын хурдны замын тендер 6 сарын 19-нд нээгдэж байгаа. Энэ ажилд ямар нэг саад болохгүй бол ажил нь сайн явагдаж, хугацаандаа ашиглалтад орж чадвал түгжрэл бууруулахад нөлөөтэй. Түгжрэл бууруулах асуудал ганцхан зуны дотор буурчихгүй. Гэхдээ одоо хийгдэж байгаа гүүр, замын томоохон бүтээн байгуулалтууд ашиглалтад орсноор түгжрэл 54 хувиар буурах тооцоотой байгаа.

Энэ мэдээнд өгөх таны үнэлгээ

Хуваалцаарай Жиргээрэй