АНУ-ын Ерөнхийлөгч Доналд Трамп баасан гарагт /2025.05.30/ мэдэгдэл хийхдээ улс руу нь орж ирж буй хөнгөн цагаан, гангийн татварыг 25 хувиас 50 хувь болгон өсгөхөөр төлөвлөж байгаа гэжээ. Түүний хэлсэн үг дэлхийн ган үйлдвэрлэгчдэд ирж буй дарамтыг нэмэгдүүлэн, олон улсын худалдааны дайныг хурцатгасан зүйл боллоо.
Тэр Пенсильвани мужид болсон кампанит ажлын үеэр “Бид 25 хувийн нэмэгдэл тавина. АНУ руу орж ирж буй гангийн татварыг 25 хувиас 50 хувь болгоно. Ингэснээр Америкийн гангийн үйлдвэрийн салбарыг илүү баталгаажуулах болно” гэжээ. Трамп дараа нь өөрийн сошиал хуудас дээрээ бичихдээ тэрхүү тарифын нэмэгдэл хөнгөн цагаанд мөн үйлчилнэ хэмээсэн юм.
Канадын Худалдааны танхим тарифын өсөлтийг “Хойд Америкийн эдийн засгийн аюулгүй байдлын эсрэг үйлдэл” гэж буруушаасан байна. Австралийн засгийн газар тариф өсгөснийг мөн шүүмжлэхдээ энэ нь нөхөрлөг орны гаргах үйлдэл биш, үндэслэлгүй зүйл гэжээ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Зөнөг өвгөн