Хуваарь ёсоор долоо хоног бүрийн лхагва гарагт Засгийн газрын ээлжит хуралдаан болдог билээ. Энэ дагуу лхагва гарагт шинээр байгуулагдсан Г.Занданшатарын Засгийн газар анхны ээлжит хуралдаанаа хийсэн.
Тэгвэл өнөөдөр /2025.06.20/ 11.00 цагт ээлжит бусаар хуралдахаар товлоод байна. Учир нь өчигдөр, уржигдар сайд нар 2025 оны төсөвт тодотгол оруулах хуулийн төсөл дээр сууж ажилласан бөгөөд өнөөдөр эцэслэн хэлэлцэх юм.
2.3 их наяд төгрөгөөр энэ оны төсвийг тодотгох нөхцөл үүссэн гэдгийг Ерөнхий сайд Г.Занданшатар мэдэгдээд байгаа.
Хэмнэлтийн хуулийн хүрээнд хугацаандаа амжиж гэрээ байгуулаагүй төслүүдийн санхүүжилтийг буцаан татсан нийт 535 тэрбум төгрөгийг дээрх тодотголд тооцож, үлдсэн 1.8 их наяд төгрөгийг урсгал зардлаас танах байдлаар төлөвлөөд буй тухай Сангийн сайд Б.Жавхлан өнгөрөсөн лхагва гарагт мэдэгдсэн билээ.
Өнөөдөр хэлэлцэж дуусаад өргөн барих чигтэй байна. Ингэснээр ирэх долоо хоногоос УИХ-ын чуулганы нэгдсэн хуралдаанаар хэлэлцэж эхэлнэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.