Унгар Улсын Будапешт хотод болсон насанд хүрэгчдийн Жүдо бөхийн дэлхийн аварга шалгаруулах тэмцээн энэ сард зохион байгуулагдаж манай улсаас тамирчин К.Ёолк 60кг-ийн ангилалд хүрэл медаль хүртсэн билээ.
Тэгвэл түүний гаргасан амжилтыг урамшуулж "Өлгийн хүчтэн” бөхийн дэвжээ болон "Таванбогдын бүргэдүүд” клуб хамтран автомашин бэлэглэсэн байна.
Нэмэлт: К.Ёолк нь ОХУ-ын Хабаровск хотод болсон олон улсын тэмцээнээс мөнгө медаль, жүдо бөхийн насанд хүрэгчдийн УАШТ-ий мөнгө, хүрэл медаль, дотоодын цуврал тэмцээнд хоёр түрүүлж, хоёр хүрэл медаль, самбо бөхөөр өсвөр үеийн дэлхийн аваргын хүрэл медаль, Азийн аваргын хүрэл, Азийн хүүхдийн их наадмын хүрэл медаль, насанд хүрэгчдийн УАШТ-аас алт, хошой хүрэл медаль хүртэж байжээ. Ийнхүү тэрээр саяхан болсон насанд хүрэгчдийн ДАШТ-ээс хүрэл медалиа хүртэж ирээдүйтэй тамирчин гэдгээ жүдо бөх сонирхогчид болон үзэгч олонд батлан харуулсан юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хүрэл