Тагнуулын урьдчилсан дүгнэлтээр АНУ Ираны уран баяжуулах чадавхыг бүрэн сүйтгэж чадаагүй гэж гарчээ
АНУ өнгөрсөн бямба гарагт /2025.06.21/ Ираны цөмийн хөтөлбөрийн гол байгууламжуудад цохилт өгсөн. Уг цохилт Израил, Ираны хооронд үүсээд буй мөргөлдөөнийг хурцатгасан зүйл болсон юм. АНУ-ын Ерөнхийлөгч Доналд Трамп, Батлан хамгаалахын сайд Пит Хэгсет тус цохилтыг гайхалтай амжилттай явагдсан гэж мэдэгдээд байгаа.
Тэгвэл АНУ-ын Батлан хамгаалах яамны тагнуулын газар урьдчилсан байдлаар дүгнэлт гаргахдаа тэрхүү цохилт Ираны уран баяжуулах чадавхыг бүрэн сүйтгэж чадаагүй гэж үзжээ. Тайлангийн тухай мэдээлэлтэй нэгэн эх сурвалж хэлэхдээ Ираны баяжуулсан ураны нөөц болон уран баяжуулах чадавх нь сүйрээгүй гэсэн юм. Цохилтын улмаас Ираны цөмийн хөтөлбөр нэг юм уу хоёр сараар л хойшилсон байж магадгүй хэмээж тэр эх сурвалж хэлжээ.
Цагаан ордон тагнуулын дүгнэлтийг бүхэлдээ буруу гэж мэдэгдсэн байна. Тайланд дурдсанаар өгсөн цохилт нь хоёр цөмийн байгууламжийн орцыг нь л битүүмжилж, газар доорх лабораторийг нураагаагүй аж. АНУ гурван цөмийн байгууламжид цохилт өгсөн билээ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
АНУ "Манайх тийшээ, ийшээ чинь буудлаа шүү! Юм хумаа аваарай!" гээд хэлчихсэн юм чинь аргагүй шдээ. Ха хаа..