Вифа хар шуурга ойртож байгаа тул Хонконг шуурганы хамгийн өндөр түвшний сэрэмжлүүлэг гаргасан байна. Тус хар шуурга нь цагт 167 км хурдтай салхи үүсгэж, бүс нутаг даяар хүчтэй бороо авчирсан тул 200 гаруй нислэг цуцалжээ.
Хонконгийн цаг уур ажиглалтын төв өнөө өглөө /2025.07.20/ орон нутгийн цагаар 09:20 минутад шуурганы сэрэмжлүүлгээ 10-р зэрэг болгож өсгөсөн байна. Сэрэмжлүүлэг ийм өндөр хэмжээнд хэсэг хугацаанд байна гэж тус алба мэдээлсэн юм. Вифа хар шуурга тус хотын өмнөд хэсэгт нөлөөлж байгаа гэж цаг уурын ажиглалтын төв мэдээлсэн байна. Үүний улмаас “Cathay Pacific Airways” компани үүрийн 05:00 цагаас 18:00 хооронд Хонконг руу ирэх болох хөөрөх бүх нислэгээ цуцалсан юм.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.