Энэ сарын 20-нд Ховд аймгийн Жаргалант сумын Буянт багийн нутаг дэвсгэрт баригдаж байсан 15 айлын орон сууцны 2 давхраас 71 настай иргэн унаж нас барсан хэрэг гарсан юм.
Нас барсан 71 настай иргэн “ИОВ” ХХК-д барилгын туслах ажилтнаар ажиллаж байсан аж.
Нээлттэй мэдээллээс харвал “ИОВ” ХХК нь хамгийн сүүлд “Конторын барилгын дээвэрт их засвар хийх, цонхнууд солих” тендерт шалгарсан байсан бөгөөд өмнө нь 8 удаагийн барилгын ажлын тендерт оролцсоноос 6-д нь хасагдаж нэгт нь шалгараад байжээ.
Тус компани нь 2009 онд мах, махан бүтээгдэхүүн үйлдвэрлэл хадгалалт чиглэлээр байгуулагдаж 2020 оны 7-р сарын 2-нд барилга угсралтын тусгай зөвшөөрөл авсан нь энэ оны 7-р сарын 2-нд дууссан байна.
Одоогийн байдлаар 71 настай иргэний нас барсан шалтгааныг тогтоох, хөдөлмөрийн аюулгүй байдал алдагдсан эсэхийг нарийвчлан мөрдөн шалгах ажиллагаа явуулж буй аж.
Т.ГЭРЭЛТ-ИРЭЭДҮЙ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
АЛНУУДАА НАСТАЙ ХҮНИЙГ АЛААД БАЙХДАА ЯАДЫН ПЯЗДАКУУДАА