Сонгинохайрхан дүүргийн Баянхошуу ууланд өчигдөр шөнө 2.8 магнитуд газар хөдлөлт бүртгэгджээ
Иргэд цахим орчинд өөрсдийн оршин суугаа бүсэд хүчтэй чичирхийлэл, доргилт мэдрэгдсэн талаар бичсэн билээ. ОБЕГ-аас энэ талаар тодруулахад ямар нэг осол, дэлбэрэлтийн зүйл болоогүй гэсэн юм. Харин Одон орон геофизикийн хүрээлэнгийн одон орны оргилд ажиллаж байгаа хөрсний оргил хурдатгал хэмжигч станцад (хадан хөрсөнд) I-II баллын чичирхийлэл үүссэн болох нь тогтоогдсон байна.
Нийслэлийн Сонгинохайрхан дүүргийн Баянхошуу ууланд (48.00N 106.82E) өчигдөр буюу долдугаар сарын 22-ны 23:35:27 цагт 2.8 магнитудын хүчтэй газар хөдлөлт ийн бүртгэгджээ.
Тус газар хөдлөлт нь онолын тооцооллоор голомтондоо III-IV балл байсан бөгөөд Баруун салаа, Зүүн салаа, Шарга морьт, Яргайт, Жигжид, Бэлх, Өвөрсогоот, Арсогоот, Сэлх зэрэг зуслан болон Хайлааст, Дэнжийн мянга, Дарь Эхийн ард иргэдэд II-III баллын чичирхийлэл мэдрэгдсэн аж.
Т.ГЭРЭЛТ-ИРЭЭДҮЙ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хот орчимд 3000 жилийн давтамжтай хүчтэй газар хөдөлдөг барилгууд үүнд бэлэн үү
Схд 40р хороо Монлаа1.7 тиймээ газар маш хүчтэй доргиж байшингийн дээвэр дуугарсан би 9 настай охинтойгоо хамт 23цаг35 кино үзэж бсан