Б.Амарсайханыг интерполын хөх булангаар эрэн сурвалжлах хүсэлт хүргүүлжээ

Энэ сарын 18-19-ныг шилжих шөнө Сүхбаатар дүүргийн 3-р хорооны нутаг дэвсгэрт үйл ажиллагаа явуулдаг "Канте" гэх баарны гадна 03:45 цагийн орчимд бусдыг бүлэглэн ноцтой зодож гэмтээсэн хэрэг гарсан.

Уг хэрэгт 28 настай Ц.Сажаачойпэл, 29 настай Э.Тэмүүлэн, Л.Алтан-Очир, Б.Амарсайхан нарыг яллагдагчаар татаад буй.

Э.Тэмүүлэн, Ц.Санжаачойпэл нараас хар тамхи, сэтгэцэд нөлөөлөх эм бэлдмэл хэрэглэсэн эсэх шинжилгээ авахад эерэг гарсан билээ.

Одоогоор Э.Тэмүүлэн, Ц.Санжаачойпэл, Л.Алтан-Очир нарыг цагдан хориод байгаа бол Б.Амарсайхан энэ сарын 27-нд хилээр буцаж орно гэсэн бүртгэлтэйгээр хилээр гарч явсан. Гэсэн ч энэ хугацаандаа ирж Сүхбаатар дүүргийн цагдаагийн хэлтэст мэдүүлэг өгөөгүй учир түүнийг интерполын хөх булангаар эрэн сурвалжлах хүсэлт хүргүүлсэн гэв.

Интерполын хөх булан нь гишүүн 194 орны хууль сахиулах байгууллагад тодорхой этгээдийг олж тогтоох, мэдээлэл цуглуулах зорилгоор гаргадаг анхааруулах/мэдээлэл солилцох төрлийн албан ёсны мэдэгдэл юм. Гэхдээ эрүүгийн хариуцлага хүлээлгэх албан ёсны үндэслэл болохгүй, зөвхөн тандалт, мэдээлэл цуглуулах зорилготой. Харин Интерполын улаан булан нь яллагдагч этгээдийг хорих, шүүхэд шилжүүлэхээр эрэн сурвалжилдаг байна.

Б.Амарсайхан нь "Говь" ХХК-ийн захиралаар томилогдоод удаагүй байсан бөгөөд түүнийг энэ хэрэгт нэр холбогдсоноос хойш буюу өнгөрсөн долоо хоногоос тус компанийн хувьцаа унаж эхэлжээ. Энэ сарын 17-нд тус компанийн хувьцаа 246 төгрөг орчим байсан бол өнөөдрийн байдлаар 241 төгрөг болж буурчээ.

Т.БАТСҮРЭН

Энэ мэдээнд өгөх таны үнэлгээ

Хуваалцаарай Жиргээрэй