ОХУ пүрэв гарагаас /2025.07.31/ баасанд /2025.08.01/ шилжих шөнө ОХУ Киев рүү пуужин, дроноор халдсаны улмаас 16 хүн амь үрэгдэж, 100 гаруй хүн бэртсэн гэж албаны хүмүүс мэдэгджээ. Амь үрэгдсэн хүмүүсийн хоёр нь хүүхэд байсан юм.
Украины Ерөнхийлөгч Владимир Зеленский шөнө бүр хийдэг мэдэгдэлдээ амь алдсан хүмүүсийн тоо 14 гэжээ. Тус улсын Дотоод хэргийн яам мэдэгдэл хийхдээ 1,200 гаруй цагдаа, аврах ажилчид халдлагын газар дээр ажиллаж байгаа хэмээсэн юм. Аврах албаныхны мэдээлснээр шархадсан хүмүүсийн 16 нь хүүхэд байсан гэжээ. Энэ нь Украины дайн эхэлснээс хойш нэг хоногийн дотор ОХУ-ын цохилтод хамгийн олон тооны хүүхэд бэртсэн халдлага болсон байна.
Зеленский Телеграм дээр мэдэгдэл хийхдээ ОХУ 300 гаруй дрон, найман пуужингаар агаарын цохилт өгсөн гэжээ. Тэр “ОХУ бидний энх тайвны төлөө гэсэн хүсэлд ямар хариу үйлдэл үзүүлдгийг өнөөдөр дэлхий дахин дахиад харлаа. Ийм учир хүчирхэг хамгаалалтгүйгээр энх тайван байх боломжгүй” хэмээсэн байна. Киевийн эрх баригчид өнөөдрийг гашуудлын өдөр болгожээ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ОРОС улс террорист улс болжээ.
Путин оросуудыг.б�##�лаж байна.
Хитлерээс долоон дор болчихлоо.
Өөрөө ойчсон хүүхэд уйлдаггүй юм.
Өравдүүлэх гэж ядах юмаа