Шинэ төрлийн коронавирусын халдвараас сэрэмжлүүлж байна
Өнөөдөр /2020.01.13/ Эрүүл мэндийн яамнаас шинэ төрлийн коронавирусын халдвараас сэрэмжлүүллээ. Уг сэрэмжлүүлэгт:
“Коронавирус нь хөнгөн болон хүнд хэлбэрийн өвчлөл үүсгэдэг. Коронавирусийн халдвараас өөрийгөө хамгаалж, эрсдэлийг бууруулахын тулд Та дараах арга хэмжээг аваарай:
-Гараа тогтмол савандаж угаах
-Ханиах, найтаах үедээ ам, хамраа таглах, амны алчуур хэрэглэх
-Мах, өндөгийг гүйцэд болгож идэх
-Халдвар авсан хүмүүстэй ойр байхаас зайлсхийх
-Мал, тэжээвэр болон зэрлэг амьтантай хүрэлцэхгүй байх” гэжээ.
Эргэн сануулахад, БНХАУ-ын Хубэй мужийн Үхань хотод энэ сарын 02-ны өдөр шалтгаан тодорхойгүй уушигны хатгалгаа өвчний тохиолдол бүртгэгдсэн. Тун удалгүй Дэлхийн эрүүл мэндийн байгууллагаас уг өвчлөлийг шинэ төрлийн коронавирусын халдвар хэмээн мэдэгдсэн юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.