УЛС ТӨРУлс төрийн мэдээ
Хамтарсан экспогийн хүрээнд Монгол, Хятад хоёр улс дараах тохиролцоонуудыг хийжээ
Эдийн засаг, хөгжлийн сайд Н.Учрал ӨМӨЗО-д болж буй Монгол-Хятадын V экспод оролцож, БНХАУ-д ажиллан, дараах яриа хэлцлийг өрнүүлжээ.
Хоёр орны эдийн засгийн харилцааг улам өргөжүүлэхээр хүрээнд дараах асуудлуудад харилцан тохилцсон байна.
Үүнд:
- Хятадад нийлүүлэх нүүрсний экспортоо нэмэгдүүлэхээр тохиролцлоо.
- Монголын экспорт, дамжин өнгөрөх хорио цээрийн зөвшөөрлийг шуурхай олгоход анхаарахаар болов.
- Хилийн боомтуудыг үе шаттай холбож, саадгүй урсгал нээх талаар санал нэгдэв.
- Нүүрс тээврийн машины “С” зөвшөөрлийн тоог нэмэх боломжийг судлахаар тохиролцлоо.
- Гашуунсухайт, Шивээхүрэн боомтоор тээврийн хэрэгслийг автомат, ухаалаг гарцаар нэвтрүүлэх талаар харилцан ойлголцов.
- Худалдааг хөнгөвчлөх, зохицуулалтын шинэ шийдлүүдийг хамтран хэрэгжүүлэх талаар санал нэгдлээ.
“Монгол-Хятадын экспо”-д манай улсаас 350 компани оролцов. Энэхүү экспо нь хоёр улсын худалдааны эргэлтийг 20 тэрбум ам.долларт хүргэх өндөр ач холбогдолтой талбар юм.
Д.ЦЭГЦ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.