Байгаль орчин, уур амьсгалын өөрчлөлтийн яамны Төрийн нарийн бичгийн дарга Т.Золбаярын Б/221 тоот тушаалаар Тусгай хамгаалалттай газар нутгийн бодлогын хэрэгжилтийн газрын даргын албан үүргийг түр орлон гүйцэтгэгч Д.Батцогтыг энэ сарын 26-нд чөлөөлсөн.
Энэ нь ЗГХЭГ-ын дарга С.Бямбацогтын баз хүргэн гэж хэвлэлд мэдээлэгдсэн юм. Ийнхүү базыг нь ажлаас чөлөөлсөн гэж С.Бямбогтын зүгээс Б.Батбаатар сайдад шахалт үзүүлсэн, ТНБД-ын томилгоонд нь хаалт тавьсан, эдгээр нь ИЗНН-ыг Засгийн газраас гарахад хүргэсэн гэх мэдээллүүд бий.
Ямартай ч Д.Батцогтыг чөлөөлж оронд нь Ц.Уранчимэгийг шилжүүлэн томилжээ.
Төрийн нарийн бичгийн даргын Б/222 тоот тушаалаар Байгалийн нөөцийн бодлогын хэрэгжилтийн газрын дарга Ц.Уранчимэгийг албан тушаалаас нь чөлөөлж, Тусгай хамгаалалттай газар нутгийн бодлогын хэрэгжилтийн газрын даргаар шилжүүлэн томилсон байна.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.