ХБНГУ-ын Дрезден хотод дипломат албаны автомашинаар 70 килограмм хар тамхи тээвэрлэж яваад саатуулагдсан Б.Баттүшиг, С.Эрдэнэбаяр нарт холбогдох шүүх хурал өнөөдөр /2020.01.13/ үргэлжилж байна. Истанбул хотын дэд консулын алба хашдаг Б.Баттүшиг нь шүүх хурлыг хаалттай хэлбэрээр явуулах хүсэлт гаргасныг шүүх хүлээж аваагүй удаатай. Тэрбээр үүний өмнө өөрийгөө Монгол Улсын тагнуулын ажилтан, үүнд холбогдох нууц даалгавар биелүүлж байгаад баригдсан гэдэг мэдүүлгийг өгөөд буй.
Германы Tag24 мэдээллийн сайтад бичсэнээр, өнөөдрийн шүүх хурлаар шүүгдэгч нарын Apple XS маркын гар утсын шалгаж, тэдний мэдүүлсэнчлэн тагнуулын албаны нууц ажилтнууд мөн байсан эсэхийг шалгах юм байна. Хэрэв худал мэдүүлсэн гэж тогтоогдвол эдлэх ялын хэмжээ нь хүндэрнэ гэдгийг тус сайт онцолжээ.
Хэргийг эргэн сануулбал, өнгөрсөн 2019 оны тавдугаар сарын 03-ны өдөр Б.Баттүшиг болон С.Эрдэнэбаяр нар ХБНГУ-ын Дрезден хотод дипломат албаны Мерседес Бенц маркийн автомашинаар 70 кг хар тамхи тээвэрлэж яваад баригдсан юм. Тус бүр нь 500 граммаар боосон 140 багц хар тамхины ханш гурван сая евро болж байсан юм. Тэдэнд прокурорын зүгээс тус бүр 9 жилийн хорих ял төлөвлөөд буй.
Х.ЭРХЭС
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Өө за заа Улсынхаа нэрийг хар тамхиныхаа наймаанд хутгалдуулах нь дутаж гэнэ
Nasaar ni horih heregtei
герман хэл сураад л ирнэ биз. хангалт сайн ядрах юмгүй