Пүрэв гарагт /2025.08.28/ Их Британи, Франц, Герман улс цөмийн хөтөлбөрийнх нь хариуд Иранд НҮБ-аас тавьж байсан хоригийг сэргээх ажлыг эхлүүлсэн байна. Ираны өндөр албан тушаалтан тус гурван орныг дипломат харилцаанд хор хөнөөл учруулж байна хэмээн буруутгаж, дарамтад бөхийхгүй гэжээ.
2015 онд дэлхийн томоохон гүрнүүдтэй байгуулсан цөмийн хэлэлцээрийн дараа НҮБ хориг арга хэмжээгээ авч байсан юм. Тэгвэл тус гурван улс тэрхүү хоригийг сэргээх давуу эрхээ аравдугаар сарын дундуур алдахаас урьдчилж ийм рага хэмжээ авчээ. Францын Гадаад хэргийн сайд Жан-Ноэль Барро мэдэгдэхдээ энэхүү шийдвэр нь дипломат харилцаа дуусгавар болсныг илтгэхгүй гэсэн юм.
Германы Ерөнхийлөгч Иоганн Вадефул Ираныг НҮБ-ын цөмийн хяналтын агентлагтай бүрэн хамтран ажиллаж, ирэх сард АНУ-тай шууд хэлэлцээ хийхийг уриалжээ. Ираны ахлах албан тушаалтан энэхүү алхмыг шүүмжилж “Reuters” агентлагт хэлэхдээ “Энэ алхам бол дипломат харилцааны эсрэг үйлдэл. Гэхдээ Европтой дипломат харилцаагаа үргэлжлүүлнэ. Иран дарамт шахалтад бууж өгөхгүй” гэсэн байна.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.