О.Цогтгэрэл: Бүх салбарт маш том шинэчлэл хэрэгтэй. Энэ өөрчлөлтийг ганц АН хийж чадна

УИХ-ын гишүүн, АН-ын бүлгийн дарга О.Цогтгэрэл намын даргад нэр дэвших хүсэлтээ өгч, мэдээлэл хийлээ.

Тэрбээр, АН-ын даргыг сонгох журмын хүрээнд өчигдөр ҮБХ-оос шийдвэр гарсан. Өнөөдөр 11:00 цагт бүртгэл эхэлж байна. Миний хувьд АН-ын журмын нөхрүүдтэйгээ ярилцаад даргын сонгуульд албан ёсоор нэрээ дэвшүүлж, сонгуул зохион байгуулах хороонд саяөргөдлөө өгч, мөрийн хөтөлбөрөө танилцууллаа.

АН-ын даргад нэр дэвшихэд тодорхой шаардлагууд байдаг. Миний хувьд АН-ын гишүүнээр элсээд 25 жил, ҮБХ-нд сонгогдоод10 жил, УТЗ-д ороод найман жил болж байна. Мөн сүүлийн хоёр парламент дамжин УИХ дахь АН-ын бүлгийн даргаар ажилласан. Мөн 2015 онд дунд шатны аймгийн намын даргаар ажиллаж байсан зэрэг бүх үе шатыг нь дамжаад явсан АН-ын бүтээгдэхүүн гэдгээ тодотгож хэлмээр байна.

Нэр дэвшигчид цаашдаа АН сонгуульд амжилттай оролцож, ялахын тулд юу хийх вэ гэдэг засаглалын бодлогоо танилцуулах ёстой. Энэ хүрээнд би журмын нөхөхтэйгөө зөвлөлдөж  “Шинэ Монголоо цуг бүтээнэ” мөрийн хөтөлбөрийг боловсруулсан. Монгол Улсын бүхий л салбарт асар том шинэчлэл өөрчлөлт хүлээгдэж байгаа. Ганцхан АН уг өөрчлөлтийг хийж чадна гэдэгт бид эргэлздэггүй.

Өнөөдөр тулгамдсан асуудлуудыг эрэмбэлбэл асар олон асуудал бий. Нэгдүгээрт ядуурал. Гурван хүн тутмын нэг нь ядуу байна. Хүн амын 60,70 хувь нь ядуурлын шугам дээр байгаа улс оронд юун боловсрол, эрүүл мэнд. Бүх зүйл болохоо больчхоод байна. Энэ ядуурлын цаана ардчилсан тогтолцоо эмзэг байдалд ороод байна. АН-ын олон олон ялагдлын шалтгаан нь энэ. Тиймээс баруун төвийн үзэлтэй, хүний эрх чөлөөг дээдэлсэн, үр ашигтай цомхон төрийг сурталчилдаг намын хувьд манай нам ялах ёстой. Ялаад засагласан шиг засаглах нийгэм эдийн засаг, улс төрийн шаардлага байна.

АН яагаад ялж, олонх болж чадахгүй байгаа юм. Үүний үндсэн шалтгаан нь АН улс төрийн систем болж чадахгүй явсных. Манай лам мундаг үзэл санаатай, лидерүүдтэй. Гэсэн ч систем болж чадалгүй явж ирлээ. Тиймд энэ бүхнийг бид шинэчлэн өөрчлөх шаардлагатай. Тиймд бид “Шинэ Монголыг хамтдаа өөрчилнө” шинэчилсэн АН энэ бүхнийг хийж чадна гэдэгт эргэлзэхгүй байна. Нэр дэвших бүртгэлээ хүлээн авч, мандат өгсний дараа буюу маргаашаас сурталчилгааны ажил эхэлж, мөрийн хөтөлбөрийнхөө талаар дэлгэрэнгүй ярих болно.

Д.ЦЭГЦ

Энэ мэдээнд өгөх таны үнэлгээ

Хуваалцаарай Жиргээрэй