Энэ долоо хоногийн бямба гарагт /2025.09.13/ автомашингүй өдрийг зохион байгуулахаар төлөвлөөд буй.
Гэвч тухайн өдөр хүйтэрнэ гэдгийг мэргэжилтнүүд анхааруулж байна. Урьдчилсан байдлаар 13-нд Улаанбаатарт шөнөдөө 5, өдөртөө 11 хэмийн дулаан байх төлөвтэй. Бороо орох магадлал 60 хувьтай байхаар байна.
2025 оны 09-р сарын 10-наас 09-р сарын 14-нийг хүртэлх цаг агаарын урьдчилсан төлөв байдлаар:
- 10-нд баруун болон төвийн аймгуудын нутгийн зарим газар, зүүн аймгуудын нутгийн баруун, говийн аймгуудын нутгийн хойд хэсгээр,
- 11-нд нутгийн хойд хэсгээр,
- 12-нд баруун аймгуудын ихэнх нутаг, төвийн аймгуудын нутгийн баруун хэсгээр,
- 13-нд баруун аймгуудын нутгийн хойд хэсэг, төв болон зүүн аймгуудын ихэнх нутгаар бороо, уулархаг нутгаар нойтон цас орно.
Алтай, Хангай, Хөвсгөлийн уулархаг нутаг, Хүрэнбэлчир орчим, Завхан, Заг-Байдраг голын эх, Идэр, Тэс, Тэрэлж голын хөндийгөөр шөнөдөө -3...+2 градус, өдөртөө +13...+18 градус, говийн бүс нутгийн хойд хэсэг, Дорнод-Дарьгангын тал нутгаар шөнөдөө +7...+12 градус, өдөртөө +21...+26 градус, говийн бүс нутгийн өмнөд хэсгээр шөнөдөө +13...+18 градус, өдөртөө +27...+32 градус, бусад нутгаар шөнөдөө +3…+8 градус, өдөртөө +16...+21 градус дулаан байна. 13-наас нутгийн хойд хэсгээр сэрүүснэ.
У.УЯН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
odroo olj hiih yumaa. alivaa yumiig tolovlohdoo yadaj tsag agaariin medeegee harchihaj chaddaggui yum bh daa. engiin arga hemjee zohion baiguulah chadvar alga daa toriin albaniihand