Дөрвөн жилд нэг удаа зохион байгууллагддаг “Монголын бүх ард түмний зуны спортын XVI” наадам энэ жил Баянхонгор аймагт зохион байгуулагдаж байгаа билээ.
Монголын бүх ард түмний XVI наадмын самбо бөхийн төрөлд ОУХМ, Улсын заан Б.Серик оролцож эрэгтэйчүүдийн +98кг жинд хүрэл медаль хүртсэн байна.
Тус наадам анх удаа орон нутагт зохион байгуулагдаж байгаа бөгөөд энэ жилийн ХVI наадмын бамбарын буухиаг Үндэсний дээд лигийн хошой аварга, ОУХМ Б.Эрдэнэсувд, Монгол Улсын шигшээ багийн тамирчин, ОУХМ Г.Цэнд-Аюуш залж, Чөлөөт бөхийн армийн Дэлхийн аварга, Ази тивийн аварга шалгаруулах тэмцээний хүрэл медальт, ОУХМ, Монгол Улсын арслан Э.Батмагнай бамбарыг асаажээ.
Тус наадам спортын 28 төрөлд, 163 жин, зайд, 879 багц медалийн төлөө 21 аймаг, 9 дүүргийн 3146 тамирчин өрсөлдөж байгаа ажээ.
Б.ЛУВСАНПЭРЭНЛЭЙ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.