Х.Нямбаатар: Үндэсний цэцэрлэгт хүрээлэнд хоёр хаалга нэмж, явган хүний замыг шийднэ
Иргэд олон нийт, ялангуяа Хан-Уул дүүргийн 17, 18 дугаар хороо, Баянзүрх дүүргийн 26, 36 дугаар хорооны иргэдээс ирүүлсэн санал хүсэлтийн дагуу Үндэсний цэцэрлэгт хүрээлэнд хоёр хаалга нэмж барих, мөн Үндэсний цэцэрлэгт хүрээлэнд хийгдэх бүтээн байгуулалтын ажлуудыг хоорондоо уялдаатай төлөвлөх талаар өнөөдөр хотын дарга Х.Нямбаатар мэдээлэл өглөө.
Хотын дарга Х.Нямбаатар “Үндэсний цэцэрлэгт хүрээлэнг иргэдэд илүү хүртээмжтэй болгох зорилгоор “Маршал таун” хотхон тал руу зүүн тийш нэг орц гарц буюу хаалга, мөн цэцэрлэгт хүрээлэнгийн баруун хойно “И-Март” чиглэлээс орох хаалга гаргах үүргийг холбогдох албаны хүмүүст өгч байна. Надтай хамт өнөөдөр ажиллаж байгаа Улаанбаатар хотын Ерөнхий менежер бөгөөд Захирагчийн ажлын албаны дарга Г.Батзориг, Хот төлөвлөлт, судалгааны институт ОНӨААТҮГ-ын дарга Р.Амартүвшин, Үндэсний цэцэрлэгт хүрээлэн ОНӨТҮГ-ын дарга Ё.Нямжав, Хан-Уул, Баянзүрх дүүргээс сонгогдсон НИТХ-ын төлөөлөгч нар энэ ажилд анхаарах нь зүйтэй. Хүйтрэхээс өмнө хаалга нээх ажлыг зохион байгуулж, холбогдох зардлыг УБЗАА-ны Хот тохижилтын зардлаас гаргаж шийд. Хаалга барихдаа явган хүний замыг мөн давхар шийдэж өгөх хэрэгтэй” гэв.
Үргэлжлүүлэн Үндэсний цэцэрлэгт хүрээлэнгийн баруун урд хийгдсэн бүтээн байгуулалтын талаар хотын дарга Х.Нямбаатар тайлбар өглөө. Тэрбээр “2014 онд тухайн үеийн нийслэлийн Засаг дарга Э.Бат-Үүлийн захирамжаар “Хан Талст” компанид амралт зугаалга, наран шарлагын газар, усан бассейн байгуулах зориулалтаар Үндэсний цэцэрлэгт хүрээлэнгийн газраас 15 га орчим газрыг өгсөн. Үүнээс 11 га талбайд тохижилт бүтээн байгуулалтын ажил хийх гэрээтэй. Гэрээний хугацаа дууссан байна. Тиймээс тус компанийн захиралтай ярилцаж, НИТХ-аар асуудлыг оруулах, Үндэсний цэцэрлэгт хүрээлэн, “Хан Талст” компанийн бүтээн байгуулалтыг харилцан уялдуулах чиглэлээр анхаарна. Үндэсний цэцэрлэгт хүрээлэнд дахин хөшөө, барилга байгууламж барихгүй, талбай цементлэхгүй байх тал дээр Ё.Нямжав даргатай хэлэлцэж, хэсэгчилсэн ерөнхий төлөвлөгөөнд батлуулна” гэдгийг онцоллоо.
Түүнчлэн дэлхийн далайн хавны хамгийн том судалгааны хүрээлэнгийн нэг ОХУ-ын Эрхүү мужийн Байгаль нуурын судлалын хүрээлэнгээс Үндэсний цэцэрлэгт хүрээлэнд хүүхдүүдэд зориулсан далайн хавны аквариум байгуулах, ингэхдээ зардлаа өөрсдөө 100 хувь хариуцах санал гаргажээ. “Хан Талст” компанийн хийх бүтээн байгуулалттай далайн хавны аквариумыг уялдуулах, иргэд, хүүхдүүд цэцэрлэгт хүрээлэнгээр зугаалахдаа амралт зугаалгын цогц үйлчилгээг авдаг байх, төр, хувийн хэвшлийн түншлэлийг хөгжүүлэх чиглэлд анхаарч ажиллахаа хотын дарга Х.Нямбаатар уулзалтын төгсгөлд хэллээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Иш чааваас хотын дарга гэсэн чинь аж ахуйн дарга шиг л загнах юм. Том төсөл, метро, цахилгаан станц барих, шинэ сууршлын бүс байгуулах, утаа бууруулах үйлдвэр нтр яртих ёстой байтaл 2 хaaлга хийнэ ч гэх шиг. Боловсрол мэдлэггүй хүн үүнээс өөр юу ч чадах билээ.
Батэнх луйварчин хотын боссуудын нэг болоо юу?
Mash sain bn
Hotiin darga sain ajillaj bga.
Irgediin toloo aj ahuin ajil hiilgui yahab dee..
Daisogiinhan hovdiin must sumiin ulaan guilagchinguud
Зөв ш дээ, Үндэсний цэцэрлэгт хүрээлэнгийн зүүн, баруун т�##�аас орох гэж заав�##� хойд т�##� руу нь баахан явж, түгжирч байж ордог, ажил хийе гэсэн сэтгэл байхад зөв шийдвэр зөндөө гарч байна, баяр хүргэе Нямбаатар даргад ????